I CIUCIAGAINE

Commedia comica in dialetto veneto in 2 atti

di

NICOLA PEGORARO


Scena 1
Cucina con tavolino a destra, un frigorifero a sinistra, con sopra un’urna funeraria e la foto di Matrisca la defunta moglie di Vladimiro, finestra nella parete centrale. A tavola, Vladimiro su sedia a rotelle e Ginevra sua cognata.

Musica 1 di inizio, luci a crescere. (nota: tutti i vampiri sono dotati di vistose occhiaie nere)

Vladimiro- (seduto su una sedia a rotelle, coperta sulle ginocchia, parrucca bianca) Ah Ginevra, Ginevra.
Ginevra- cosa gheto suocero?
Vladimiro- no tì, disevo ah Ginevra cusì par dire.
Ginevra- mi gò sempre sentio dire “ah Maria Maria”
Vladimiro- e xe colpa mia se te te ciami Ginevra invese che Maria? Se te te ciamavi Maria a disevo “ah Maria, Maria”, ma te te ciami Ginevra e alora go dito “ah Ginevra, Ginevra”., che rasa de nome.
Ginevra- go capio fermate par carità
Vladimiro- ah Ginevra, Ginevra
Ginevra- dime suocero dime
Vladimiro- a te go dito che so solo drio pensare o vuto che scumisiemo da capo?
Ginevra- no, no par carità
Vladimiro- oh là e deso tasi.
Ginevra- Ah Vladimiro, Vladimiro..
Vladimiro- comandi, cosa vuto?
Ginevra- gnente, parchè non poso mia pensare anca mì?
Vladimiro- parchè pensito anca?
Ginevra- suocero sta tento che te sì in’oro, che te me fe vegnere spissa ae man. 
Vladimiro- Comunque a jero drio pensare a sti ani
Ginevra- a te pareva
Vladimiro- sti ani sì che jera bei tempi, con la guera e dopo ghe jera i tedeschi che gaveva el capeo col ciodo in testa, e i canoni che sparava e tapin e tapon e tuti xò nei rifugi, nee cantine soto i palasi. Ehh sti ani a gavevo i denti e co se sentava tacà na sposa bea fresca o magari na bea verginea, alora si che ghe ciuciavo el colo de gusto, queo sì che jera on bel magnare no come deso, che so sensa denti e me toca ciuciare gaine.
Ginevra- ufa con ‘sta storia, tasi e ciucia, co ‘sti ani dea guera a te me si drio stufare, a te podevi stare in rusia se te paseva tanto.
Vladimiro- te parli sensa savere, on dì i berusca i e me ga catà con na sposa in braso che jero drio ciuciarge el colo, so mario, na bestia de compagno alto dù metri par uno, che el pareva on armaro a do ante, el xe diventà rosso de rabbia.
Ginevra- on compagno cosa vuto che el diventa nero?
Vladimiro- mi el voeva farme nero! A ghe xe stà on affar de pali de frassino, tanto de chel’aio e de crocefissi…
Ginevra- de crocefissi, ma se i jera compagni?
Vladimiro- compagni sì, i jera proprio precisi ai nostri i crocefissi tanto che se non me movo a zolare via, a non perdevo miga solo i denti, se gavese vudo on’anima, anca quela i me cavava.
Ginevra- vito che alla fine a xe meio che te gai ste gaine da ciuciare. E par fortuna che ghemo i Bortoi chi tacà, che fin che i dorme a riusimo a portarghine via.
Vladimiro- ma come galo fato chea volta me fiolo a morsegarte ti con tute che femene verginee che ghe jera in giro.
Ginevra- se vede che l’unica de verginea che el ga catà a jero mì.
Vladimiro- par forsa, con chea musagna che te te cati.
Ginevra- te sarè beo tì, faccia da supposte. E deso tasi che sè drio rivare to fiolo, che se el podese el saria stufo morto.

Scena 2
Entra Alcide il figlio di Vladimiro

Ginevra- ciao amore, come sea andà oncò?
Alcide- a gho lavorà da bestia, chea fonderia lì, nol sarà mia on lavoro da cristiani
Vladimiro- infati, a te ghe lavori tì, che te si tuto fora che on cristian.
Ginevra- el gha voia de schersare too pà, gheto fame o gheto magnà qualcosa a lavorare?
Alcide- beh par queo oncò uno el se gha taià on braso, ghe jera sangue da partuto, su pai muri sui vestiti e qualcoseta a ghò ciupegà, ma xe difisie, come che i vede on poco de sangue i diventa mati e mi me vien on slanguorin, me vien su de chee vampà…
Vladimiro- tasi tasi par carità che me gira la testa
Alcide- e po’ a non te se mia la novità? Deso a faso el turno dae undase ale sinque, el me paron el voe che fasa straordinario fin le sete, le sete capio, el soe el monta sù ale sete e mi come faso vegnere casa?
Ginevra- ma gheto provà parlarghe, ghe geto dito gnente?
Alcide- nol voe intendare, ma cosa volo da mì el me sangue…
Vladimiro- no Alcide dire cusì.
Alcide- volo svenarme…
Vladimiro- Alcide te me fe vegnere fame, moleghea.
Ginevra- be te podarisi domandarghe un buso par butarte sò.
Alcide- si, chealtri i và laorare con la gamea e mì vò con la bara. Và finire che ciapo el paron e ghe pianto du bei denti sol gargato e dopo ciucio fin che so stufo.
Vladimiro- ghea moito che te me fe star mae dala voia?
Alcide- va ben ghea molo, ma cosa ghe xe da magnare?
Vladimiro- queo che ghe jera ieri sera, e la sera prima, gaine da ciuciare. Ah se ghe fuse ‘na verginea…

Scena 3

Musica 2 da disco in lontananza, cresce all’aprirsi della porta.

Si sente una musica da discoteca ed entra ballando Vania e Sonia con Alex

Alcide- Vania moeghea de fare casin, non teo sè che xe tardi
Vania- papà che geriatrico che te sì
Sonia- xe solo le sinque de matina.
Alex- bongiorno a tutti
Vania- papà, mama, nono ve presento Alex, el DJ dea me discoteca.
Sonia- figo vero mama?
Ginevra- ghinò visti de peso, e anca sposà.
Alex- saaaaalve a tutti (ballando).
Vladimiro- piano ragasso che te rabalti tuto ( e rotola a prendere l’urna funeraria della moglie)
Vania- alex sta tento a non rabalterghe l’urna. ( e toglie le cuffie ad Alex) (musica 2 si spegne)
Alex- EHHHH!!!
Vania- L’Urna, o sito sordo?
Alex- ma no la cuffia, el balo, mi dj, non capiso ben so on pooo….
Vladimiro- ma lo gavio ciucià?
Sonia- no nono no, le lù fato cusì, cosa vuto tute le noti con la musica alta, el capise poco.
Vania- l’è on poco sordo.
Vladimiro- Haaa. Cusì lù l’è on poco sordo vero?
Alex- cosa galo dito?
Vladimiro- disevo che lè on poco sordo vero ?
Alex- cosa?
Vladimiro- sordo.. sordo capiseo?
Alex- e no non capiso ben, a so un poco sordo.
Vladimiro- on poco sordo e tanto mona.
Vania- nono basta, l’è sordo parchè l’è pena vegnù fora dala discoteca ma de matina el ghe sente ben.
Vladimiro- e ala matina col ghe sente cosa falo?
Sonia- el dorme, col sono che el gà.
Vladimiro- gho capio, alora ala matina el poco sordo ghe pasa ma ghe resta el tanto mona.
Alex- e bona bona sì, la xe proprio na bona tosa ea e anca so sorea.
Alcide- Vania me pare che el ve varda masa sto chì mi ghe meto le man doso.
Alex- si grazie on gioso sì, lo bevo voentieri.
Alcide- ma le prorio andato.
Alex- no grazie non vuio mia el geato.
Sonia- a ve ghemo dito che l’è sordo de sera, ma el ghe sente de matina.
Alex- e si te si proprio na bea bambina (si stringe a Sonia)
Alcide- intanto so le man dal banco
Alex- e si a so proprio stanco.
Ginevra- Alcide se nol ghe sente sta bon on pochetin. 
Alex- be varda lo bevo voentieri on gioso de vin.
Vladimiro- a xe meio che ghe de qualcosa da bere cusì el tase, a xe meio che me scoltè.
Alex- cafè, no grasie a ste ore el me tien sveio.
Vania- tò on poca de acqua e bevi cusì te tasi.
Alcide- quala acqua eco el vin, rosso che el fa bon sangue.
Alex- salute.
Vladimiro- e sta tento che non te me bagni l’urna.
Alex- ciò Vania ma cosa tierlo in man to nono?
Vania- La xe l’urna con le ceneri dea so mogliettina.
Alex- cosa xe che el tien un vaso pien de cocaina?
Sonia- cosa gheto capio la xe la so mogliettina.
Alex- non sta sigare che gho capio sì.
Vladimiro- queste le xe le ceneri dea me cara mogliettina, quando che ghe penso me vien na tristessa ( e tira su con il naso tipo sniffo)
Alex- capio el nono, varda come che el tira gaiardo el vecio.
Ginevra- ciò tose cosa ghin disito se el to amico el se ferma, el me pare in salute.
Alcide- e si el gà proprio ne bea siera.
Alex- bè si podaria fermarme na sera. Cusì magari el nono el min dà on pochetina de chealì.
Vladimiro- no no caro non tea dao mia in man, mea tegno mì ma se te voi te demo na ciuciadina.
Alex- doman matina? No, no chee robe lì se meio de sera.
Vania- Sonia sti chi i se drio fare pensieri strani, se meio che lo imbarchemo.
Sonia- Alex xe meio che te vai deso che xe tardi.
Alex- a ve saludo, xe meio che vaga deso che xe tardi.
Vladimiro- e pensare che podevo ciuciarte tì invese che na gaina.
Alex- gho capio sì, el va mato par la cocaina.
Vania- Alex va deso che se vedemo doman in discoteca.
Alex- no no, gnente bisteca deso a vo casa in leto, note a tuti, e ste tente col nono, che chea roba lì la ghe fa mae.
Sonia- fa vegnere el crepacuore.
Vania- xe vero le sempre drio pensarghe ala so mogliettina.
Alex- appunto la xe na bruta droga la cocaina.

Scena 4
Esce Alex

Vladimiro- cosa diseveo dea droga?
Vania- el diseva che la xe diventà la to droga to moiere.
Vladimiro- a xe l’unico ricordo suo. Questo xe el so quadro. ( nel quadro foto di Vladimiro truccato da donna)
Sonia- però nono la te somejava on pochetin.
Vladimiro- quanto bea che la jera vero?
Vania- disemo che la jera simpatica.
Ginevra- cio tose quante volte ve goi da dire de non tornare casa cusì presto che svejè tuti?
Vania- ma mama, a ste ore i la sara la discoteca, dove vuto che se metemo fare le cubiste insima i bidoni dea spasatura?
Vladimiro- parchè gavarisi coraio de farlo?
Sonia- par queo che ne intaresa se te voi lo famo anca qua insima la tola vero Vania? (Vania salta sopra la tavola e si mette a ballare al ritmo della musica della radio accesa da Sonia) (Musica 3)
Alcide- Vania vien so da chea tola e ti sara la radio varda che ve dao de aio!
Ginevra- varda che fioe che te ghe fato.
Alcide- si parchè ti te jeri al merca quando che le ghemo fate.
Ginevra- ma mi me saria ferma coa prima, te si sta ti che te voevi l’erede, e de cosa po’? Ciuciagaine che non te si altro e deso ghemo da ciuciarsee via.
Vania- e no eh, non ste mia fare scherseti
Sonia- non vorè mia ciuciarne sul serio?
Vladimiro- la podaria esare on’idea, invese dea soita gaina, do bee polastree.
Vania- ciò nono calmate.
Alcide- ma dai chel scherza, gavio fame?
Vania- no tanta.
Ginevra- come mai gavio morsegà uno in discoteca dove che balè?
Vania- ma no mama, solo un pocheto, nol diventa mia on vampiro
Sonia- lo ghemo morsegà poco, poco apena on ciucioto.
Ginevra- ma quante volte goi da dirve che xe pericoloso morsegare la gente in discoteca, i xe pieni de malatie.
Alcide- ghe xe l’ epatite.
Ginevra- l’anemia mediterranea
Alcide- l’immunodeficenza
Vladimiro- non so l’immuno ma la deficienza i la gà ciapà de sicuro.
Ginevra- el morbo della mucca pazza la B.S.E.
Vladimiro- la BSE non la conoso ma la vaca mata sì, vero Ginevra?
Ginevra- e dopo a ghe xe l’aidiesse
Vladimiro- e no deso te esageri, a non ghe gà mai fato mae a nesuni la biciesse
Vania- nono a furia de ciucare le gaine al posto del serveo a te ghe mangime.Non ghemo mia dito biciesse ma l’aidiesse.
Sonia- te sarè mia diventa sordo anca ti vero, la xe na bruta malatia del sangue 
Vladimiro- ma qualo sordo, qualo mangime al posto del serveo, se i continua invelenarse in sto modo me sa che xe meio ciuciare el sangue dee gaine.
Vania- bone quee, le xe sempre drio ruspare su pal luamaro dei Bortoi.
Sonia- a te so dire cosa che le magna. Altro che catena alimentare.
Vladimiro- me sa che le magna meio dei omeni, almanco se le magna luame lore lo sa.
Ginevra- so questo te ghe rason, e comunque a xe sempre pi difisie con tuti sti morbi, ste anemie e chissà cosa ancora.
Vladimiro- ai me tempi non ghe jera mia tute ste malatie, noialtri gavevimo solo malattie sane no ste maletie mala. Ai me tempi al masimo a te ciapavi el tifo, el tanfo, la rogna el sgranfo
Vania- e varda come che le te ghà ridoto.
Vladimiro- be mi almanco a go fato ora ciuciare roba bona, ti deso vedemo cosa che te cati, e po’ so stufo e vò in bara bongiorno a tuti e aseme ‘ndare che ormai a xe matina.
Sonia- e mi, te seguo a ruota.
Vania- seto nono che vegno anca mi parchè, balare stufa.
Vladimiro- anca rodolare stufa, cosa credito

Scena 5
Escono Vladimiro, Vania e Sonia.

Alcide- bon valà Ginevra a vò in bara anca mi che tra poco vien su el soe.
Ginevra- speta, speta che go da parlarte.
Alcide- varda a gò sa capio, te ghè rogne con me papà
Ginevra- non so mia mì che gò rogne, lè lu che l’è na rogna. Nol fa altro che parlare dea guera, de sti ani chel stava ben, dopo el continua rodolare in giro par la casa, par non parlare de quando che el se mete piansare davanti a to mama Matriosca.
Alcide- non sta mia tocare l’urna de me mama che me inrabio.
Ginevra- capiso che la xe to mama, ma anca tegnere la senare de na morta in sima el frigo me pare masa.
Alcide- poareta, non la gà mia fato aposta a ciapare el soe chea volta, xe stà on’incidente a deso meo pà el voe tegnere queo che xe restà
Ginevra- la senare
Alcide- la xe sempre so moiere e la xe sempre me mama, e par mi la xe la donna pì bea del mondo (mostra la foto appesa sopra l’urna dove si vede Matriosca) o la piu simpatica.
Ginevra- mi però a so stufa de to papà, bisogna che te cati na solusion
Alcide- e dove lo meto?
Ginevra- cata on’ospisio
Alcide- e dove xe che lo cato on’ospisio par vampiri meo disito tì, chi ciamo l’asistente sociae e ghe digo: “bongiorno la me scusa gavarisi mia on posto par on vampiro de 200 ani in carosina che el magna solo sangue magari de verginee?” 
Ginevra- prova, in fondo te paghi le tase e anca la sanità.
Alcide- e magari faso anca on contrato con l’a.v.i.s. parchè i ghe porta da magnare a mesanote.
Ginevra- ricordate che chea volta te gò sposà tì no to pare.
Alcide- ma cosa voio da mì, me toca mantegnerte tì, meo pà e anca pagare la dona dee puisie
Ginevra- ma cosa credito che co so casa mì me grata, a gò too pà da ‘ndarghe drio e dopo, queo che poso fare de note, mi lo faso. Se colpa mia se i nostri vicini i se lamenta che faso rumore de note e alora me toca tore la dona dee puisie par netare de giorno? Caro el me omo, e po’ xe meio che te vai butarte so prima che me meta sigare che svejemo tuti.
Alcide- meio xe che ormai xe matina e deboto riva la dona dee puisie.

Scena 6

Musica 4 con cambio scena e di luci

Entra Luigina donna della pulizie. 

Luigina- eco che taca ‘naltra giornata. Senti che tanfo da morti che ghe xe so sta casa, xe meio che versemo fora che entra on poca de aria ( apre la finestra in centro alla stanza, sarebbe bello vedere luce entrare e sentire rumori di strada) oh par fortuna che riva on bigolo de aria.

Scena 7
Entra Amelia zitella del condominio

Amelia- Luigina come ‘ndemo oncò, sito drio cambiarghe aria a sto appartamento?
Luigina- ah Amelia, par forsa se te vui che respira.
Amelia- me pare si che el spusa da sarà 
Luigina- el spusa da morto pì che altro
Amelia- del resto i lo tien sarà come on loculo. 
Luigina- Certo che non i gha mia na gran vita sta fameia, de note i lavora e de giorno i dorme.
Amelia- no come ti vero Luigina, che te dormirisi de giorno par balare de note.
Luigina- se non lo faso deso che so sovane
Amelia- a te fe ben, te fe ben, che se tornase indrio a me ligharia on materaso soa schina.
Luigina- bisognaria vivare do volte, la prima pa imparare
Amelia- la seconda par divertirse, e te garantiso che sta volta non ghin perdaria una.
Luigina- ma Amelia, co te jeri giovane a te gavevi dei valori e tei ghè rispetà
Amelia- seto valori che gavaria ciapà se me davo da fare.
Luigina- Amelia, non funsiona mia cusì, mi so sovane ma non me buto mia via, fa conto che mi sia un pomo
Amelia- femo conto
Luigina- mi so un pomo e non posso farme rosegare da tuti se nò dopo cosa ghe aso a me mario, el torso (scataron)?
Amelia- benedeta gioventù, se mì tornase indrio, e se fuse on pomo a me faria magnare anca le megoe. Che mì pà spetare el principe azuro a so restà nova dentro ma par fora, a paro na pee de daino.
Luigina- valà Amelia, con la tecnologia de deso, se te vui a te te fè el lifting, i te tira on poca de pee de qua, un poca delà e te torni nova anca par fora.
Amelia- si e con la pee che i vansa a me faso on paetò par mi e on par de scarpe par ti.

Scena 8
Bussa alla porta Bortoli Dino 

Dino- con parmesso, scuseme se ve disturbo
Amelia- a mi no de certo che nol me disturba, ansi me fa piasere vedarlo sior Dino
Luigina- qual bon vento xe che lo porta chì?
Dino- mia tanto on bon vento, a so drio sercare le me gaine.
Luigina- nol vorà mia dirme che le xe vegnù dormire chi dentro?
Amelia- par queo l’odore da punaro el ghe saria.
Dino- no no, non credo mia che le sia vegnù chì par dormire, almanco par dormire poco.
Luigina- cosa volo dire.
Dino- a mi digo che le xè vegnù chi par dormire el sonno eterno
Amelia- el sonno dei giusti.
Dino- o de quei coti in tecia.
Luigina- cosa volo dire el parla pì ciaro che non capiso.

Scena 9
Entra Plinia Bortoli

Plinia- el voe dire che qualchedun el ne gà roba le gaine.
Amelia- bongiorno Plinia, gheto sempre rogne con che le gaine?
Plinia- a te discuri tì, ogni giorno a ghi cato sempre manco.
Luigina- magari le scapa dal punaro par sercare qualche gaeto.
Plinia- bona questa, a go le gaine bistroie. (risata)
Dino- si o magari le va al mercà par fare la gresta soa spesa. (risata)
Plinia- ridì ridì intanto me sè scapa anca el galo!
Amelia- el sarà ‘ndà nea botega del becaro par vedare le gaine nude ( risata)
Luigina- ma dai non ste preocuparve magari le stava mae e le xe scapà
Plinia- se le stava mae le podeva restare casa che pa spunararse ghe se el luamaro.
Dino- che in un modo o in un’altro ghe pensavimo noialtri a curarle.
Amelia- invese a pensè che i ve le gai curà qualcun altro?
Plinia- infati a pensemo che le sia finie in sta casa chì, a ghemo catà anca le pene sol fosso drio la strada.
Dino- e non me pare mia che questa la sia na casa de cura par gaine, o me sbaglio?
Luigina- cosa voio che a ve diga, a savì che la xe na casa de mati, de giorno non te vedi mai nesun e de note i lavora tuti.
Plinia- a gò capio mì ma le me gaine?
Luigina- mi non poso mia sveiare i me paroni parchè senò i me licensia, ma se voì vardare in giro.
Dino- ma ti snetando gheto mai catà gnente?
Luigina- mai gnente.
Amelia- be valà bona gente mi a vò casa farme on bagno.
Luigina- date anca dee bone creme par la pee seto Amelia.
Amelia- non sta preocuparte che a ghin tegno daconto dee to scarpe, ciao Plinia, e se vedemo Dino.

Scena 10
Esce Amelia

Plinia- la ga sempre on’ocio de riguardo quando che la te saluda vero?
Dino- cosa vardito che robe lì, varda in giro se te cati le gaine invese.
Plinia- me sa che invese dee gaine a gho catà on gaeto!
Luigina- non sta preocuparte Plinia, l’Amelia non la xe mia pericolosa, te poi fidarte de ea
Plinia- de ea si che me fido, xe de lu’ che non me fido, con chea facia da rufian. Che col vede na dona el tra le gambe come on pito.
Dino- ma te pare che se cambio a vago in peso, se vuio fare on giro in giostra a serco na tosa sovane vero Luigina? (e abbraccia Luigina) 
Plinia- varda che le sovani le xe abituà con le reclute dea naia che le xe sempre sull’attenti e dopo non le ga mia la me esperiensa.
Dino- va ben cara, vorà dire che ghe insegno mi e nel caso a ghe dao anca na ripassada.
Plinia- eco che parla el galo da semensa.
Dino- sentio Luigina, a so on animale da riproduzione.
Luigina- scuseme, mi non vuio mia mandarve via, ma go da netare el bagno che xe delà e go da farlo col scuro xe no i se sveia e i me licensia se entra on poco de soe.
Dino- va ben va ben deso ‘ndemo, tanto non ghemo catà gnente
Plinia- chissà che fine he gà fato le gaine, sicuramente na bruta fine.
Dino- e le saltarà fora sì, ciao e ricordate de mi se te voi na ripassada
Plinia- ocio anca ai gaeti, che coi diventa veci i slonga la gresta e i cala le bardagole

Scena 11
Escono Plinia e Dino.

Luigina- bon femo scuro che go da ‘ndare delà. (spegne la luce)

Scena 12
Entrano Alex e Roby con torce elettriche

Musica 5 per l’ingresso dei ladri



Alex- Roby dai che non i ne cata.
Roby- de giorno capo, ti te sì mato ‘ndare rubare de giorno.
Alex- se te ghò dito che de note i lavora tuti e de giorno i dorme.
Roby- gnanca i fuse barbastrej.
Alex- deso tasi e ‘ndemo quà.
Roby- si capo ecome capo .... ciò capo cosa goi da fare?
Alex- ti fa el palo che mi serco in giro.
Roby- (si blocca tutto rigido imitando un palo)
Alex- ma cosa sito drio fare?
Roby- el palo, te meo ghe dito tì capo.
Alex- alora te movito, fa pian e‘ndemo quà.
Roby- insoma capo decidate, goi da movarme, da far pian cosa vuto che fasa?
Alex- ti te ghe da magnare bisteche de volpe, fate gato che la coa tea ghè, e vien qua da mì, insiminio che non te sì altro.
Roby- bon e deso che sò qua cosa goi da fare?
Alex- cavame la luce dai oci, e parla pian che non so mia sordo
Roby- va ben va ben alora cosa ghemo da fare (parla piano)
Alex- cosa gheto dito?
Roby- cosa ghemo da fare?
Alex- parlito pì forte che non te sento?
Roby- ma se te ghe dito de parlare pian (parlando forte)
Alex- vuto finirla de sigare che i ne sente? (gridando)
Roby- e alora ti parcosa sighito?
Alex- schhh! Stemo calmi, respiro profondo, deso te me scolti mì, non fare casin, non sigare, non....
Roby- Eeetciuu!!
Alex- salute... ma cosa feto, straunito?
Roby- so allergico.
Alex- a cosa?
Roby- a tì.
Alex- bon deso basta e fame ciaro che vardemo in giro.
Roby- va ben capo....eeetciii!!!! (la luce corre dappertutto)
Alex- sta fermo con chea luce che me pare de essare in discoteca.
Roby- tientea tì che mi go da fare eeeetciii!! ( si soffia il naso)
Alex- bon eco lì dove che xe el vaso, tolo che lè taca chea facia da nutria lì.
Roby- ma chi sea chea lì?
Alex- la moglie morta del nono.
Roby- varda che bel arazzo!
Alex- mache arazzo disito.
Roby- (prende il vaso) ma sea roba bona?
Alex- prova saiarla.
Roby- (apre il vaso) Eetcciiii! (starnutisce dentro e riempie di polvere entrambi)
Alex- xe meio che teo meti via.
Roby- (appoggia il vaso e prende in mano il quadro) Meio sè, eettciii!

Scena 13
Entra Luigina 

Luigina- chel vecio lì l’asa sempre la carosina in meso al corridoio (accende la luce)
Alex- via che xe quà gente, scondate, (si nasconde dietro una porta)
Roby- par fortuna che i dormia tuti!!! (prende il quadro e si copre la faccia) 
Luigina- (apre la porta che sbatte addosso ad Alex) sempre in giro co sta carosina, ma cosa gala sta porta che non se verse, senti che dura....
Alex- ummmmmm, aio!!!
Luigina- ma cosa ghe sè chì (apre la porta e vede Alex) aiuto i ladri
Alex- tasi che te copo ( e punta due dita a pistola sulla tempia di Luigina)
Luigina- (si gira per scappare e vede Roby con il quadro sul viso che cammina) Aiuto la vecia cammina ( si gira per scappare a carica Alex sulla carrozzina e lo spinge addosso a Roby che cade sopra ad Alex. Luigina spinge la carrozzina con i due sopra e scappa) Aiuto la morta xe viva !!! 
Alex- via, fora dai piè sta carosa, (e spinge fuori scena la sedia a rotelle) via n’demo via prima che riva gente alzate.
Roby- el vaso, el vaso.
Alex- tolo sù e cori.. 
Roby- si rivo eeetchiuuu!!

(rumore 6 di sirene della carabinieri)

Alex- movate che xe quà i cavai.
Roby- deso rivo curi curi eeetchiuuuu!

Scena 14
Entra Luigina con il Maresciallo Vito

Luigina- ecco Maresciallo i ladri i jera lì dentro
Vito- ferma, stia ferma e lasci fare ai professionisti della legge. ( si tuffa tipo Miami Vice) Venite fuori bastardi, dove siete, fuori, delinquenti, io sono il Maresciallo Vito, il braccio violento della legge, vi do 1 secondo per arrendervi, vivi o morti, comincio a contare 1/100, 1/99, 1/98…..
Luigina- non lè mia a posto sto chì..

Scena 15
Entra Amelia

Amelia- Luigina, cosa succede con tuto sto casoto.
Vito- altò là, chi va là fermi o sparo, mani in alto.

Luigina ed Amelia alzano le mani.

Amelia- Luigina ma chi seo sto chì?
Luigina- on carabiniere.
Amelia- lo vedo ma dove lo gheto catà?
Luigina- gho ciamà el 112.
Amelia- e che numero gai?
Vito- silenzio voi due chi siete, cosa volete avanti parlate.
Luigina- noialtre semo....
Vito- parlate ho detto, veloci obbedire.
Luigina- a so drio dirghe che noialtre ......
Vito- allora volete parlare si o nò? Credetemi è meglio per voi se vi mettete a cantare…

Amelia e Luigina si guardano e poi cantano insieme

Amelia- “bel paron dale bele braghe bianche fora le palanche fora le palanche….”
Luigina- “ bel paron dale bele braghe bianche fora le palanche fora le palanche….”
Vito- ma cosa state facendo?
Amelia- ciò ammiraglio, el ne gà dito lù de cantare.
Luigina- forse non ghe comodava le canson.
Amelia- magari co na canta dee so parti (e canta) “ o sole mio, sta infronte a tee…”
Luigina- “ o sole mio, sta infronte a tee….” (o come viene viene)
Vito- smettatela subito o vi arresto per oltraggio!
Luigina- se vede che non le mia teron.
Amelia- el staga tento ammmiraglio, non semo mia a S. Remo qua, el serca de contentarse.
Luigina- non saremo mia grandi cantanti ma lo femo col cuore.
Vito- dunque, cominciamo da capo, primo io non sono ammiraglio, e secondo, quando vi ho chiesto di cantare intendevo parlare capito?
Amelia- ma quando che el gà sono diseo che el gà fame?
Luigina- i xe tuti roversi sti carabinieri.
Vito- basta adesso parlate, non cantate ma parlate capito?
Amelia- va bene generale se el ne asa parlemo se no ‘ndemo anca casa!
Vito- fate poco le spiritose io sono Maresciallo non generale e lei chi è?
Luigina- ea la xe ‘na vicina de casa..
Vito- e lei si qualifichi.
Luigina- ma come chi che so mì, a so quea che lo gà ciamà.
Vito- vediamo…sì, sì i tratti corrispondono, occhi due, naso uno, bocca una….mi scusi ma sa ci sono i ladri.
Amelia- par forsa che ghe xe i ladri se tuti xe come lù.
Vito- il nostro è un lavoro duro, sempre a guardare in faccia la morte (continuando a puntare la pistola contro Amelia)
Amelia- capitano....
Vito- Maresciallo prego.
Amelia- gò capio ma a proposito dea morte podariseo spostare el canon, se sa mai che parta on colpo, sà mi gavaria ancora da consumarla la me vita.
Vito- non si preoccupi, ripongo l’arma.

Scena 16
Entra Dino Bortoli

Dino- Luigina, Amelia cosa succede
Vito- fermi tutti mani in alto !

Alzano le mani Luigina, Amelia e Dino

Dino- ma chi seo carli?
Amelia- non sta preocuparte, l’è on bon’omo basta che non te canti
Luigina- se el te dise de cantare ti parla, parchè i carabinieri quando che i gà fame i dise che i gha sono.
Dino- ma cosa disio su?
Vito- allora la smettiamo di parlare o volete anche dei tramezzini con il prosecco?
Amelia- bhè quasi quasi….
Luigina- anca mì a gavaria on slanguorin…
Dino- se se poe no el prosecco, i vini frizzanti non i me piase, i me fa mal de testa.
Amelia- anca mì seto, me vie on cerchio..
Vito- la vogliamo finire questa storia?
Amelia- l’è stà lù scomisiare coi tramezzini.
Vito- basta o vi porto in cella tutti quanti!
Luigina- senti come che el se scalda, noialtri a femo solo queo che voe lù.
Dino- ma alora non se magna mia?
Amelia- se vede che l’intendea qualcos’altro.
Dino- i xe difisii da capire stì cababinieri.
Amelia- tenente....
Vito- Maresciallo ho detto.
Amelia- eeeeh nol staga scaldarse valà, noialtre semo quee de prima.
Luigina- se ricordalo lo gho ciamà mì, podemo sbasare le man?
Vito- va bene, va bene, ma lei signore mani in vista e si appoggi alla tavola, ecco così, bene..
(lo perquisisce Dino in posa)
Amelia- e nò ciò, non xe mia giusto (parte e si appoggia anche lei alla tavola) caporale mi nol me gha mia palpà prima, queo che xe giusto xe giusto!
Vito- va bene, ve bene… anzi nò va bene così, non occorre di lei mi fido, e lei chi è, cosa vuole come si chiama?
Luigina- l’è on vicino de casa, on bon’omo, el fa on po’ el gaeto

Scena 17
Entra Plinia

Plinia- Dino ma cosa feto posà in chea maniera lì?
Vito- fermi tutti mani in alto.

Tutti alzano la mani

Luigina- da novo.
Amelia- tasi che sta volta magari el me palpa anca mì.
Vito- Lei stia ferma e si appoggi alla tavola, gambe aperte.
Amelia- se el palpa la Plinia me rabio parchè la legge ghà da esare uguale par tuti.
Vito- lei (rivolto a Luigina) conosce la signora?
Luigina- la xe la moglie del sior Dino qua presente.
Vito- bene mettetevi a riposo, ( mani giu ) tutto sotto controllo.
Plinia- scuseme ma cosa sucede che sè rivà i carabinieri, gavio catà i ladri?
Vito- come fà lei a sapere dei ladri?
Plinia- a non ghe voe mia tanto a xe da du ani che seita sparirme gaine.
Dino- e forse sta volta i catemo.
Luigina- ma cosa centra le gaine, el sior quà lè vegnu parchè ghe jera i ladri in casa.
Plinia- dentro sto tugurio, e cosa vuto che i roba che non ghe sè gnente.
Luigina- par savere cosa che i gà robà bisogna domandarghe ai paroni.
Vito- ha ragione signorina dove sono i proprietari?
Amelia- in leto sior colonnello.
Vito- io sono Maresciallo, e se sono a letto lei vada a chiamarli.
Luigina- questo mai, se sveio i me paroni i me licensia.
Vito- le ordino di chiamare i suo padroni.
Luigina- lù el poe dirme queo che el voe, mi non me movo.
Vito- allora se lei non và vado io.
Luigina- e nò pò ( si para davanti alla porta delle camere) se el voe ‘ndare delà el gà da pasare sol me corpo.
Vito- se vuole la guerra, guerra sia.
Amelia- e nò, stavolta non me freghè mia (si para davanti alla Luigina) quando che sè guera, se guera par tute. 
Luigina- gasie Amelia par la to solidarietà.
Amelia- ma quala solidarietà cara, prima de pasare sol to corpo el ga da pasare anca sol mio.
Vito- se la mettete così ditemi signorina, a che ora si svegliano i proprietari?
Luigina- Amelia ghemo vinto, nol voe pì pasare.
Amelia- aaahh! Non ghe sé pì i soldati de na volta, caro el me carabiniere, a pensavo che el gavese più senso del dovere.
Dino- a me sa che le pagà masa poco par corare certi rischi.
Vito- insomma ho capito, ci vediamo stasera dopo il tramonto, e allora vedrete se ho senso del dovere (estrae la pistola e la mostra a tutti) arrivederci signori (salta mettendosi sull’attenti)

Tutti rispondono al saluto mettendosi sull’attenti.

Scena 18
Esce Vito

Plinia- bon visto che la legge torna stasera podemo ‘ndare casa anca noialtri, ‘ndemo Dino.
Dino- bon se vedemo.
Amelia- ciao Plinia e ciao Dino (gattona)
Plinia- xe in’utie che te fasi cusì, me mario le pensionato e non ga schei no pai rischi, vero Dino?
Dino- be ma se rompo la musina on rischio podaria anca corarlo.
Plinia- curi casa che te vedi che rischi che te ciapi.
Dino- altro che la musina, sta chi la me rompe la suca.


Scena 19
Escono Plinia e Dino 

Luigina- Che delusion sta legge vero Amelia.
Amelia- te poi dirlo, pa on momento me jero illusa ma la xe ‘nda mae anca sta volta.
Luigina- Amelia, se vedemo stasera?
Amelia- sicuro, e te vedarè che stasera el me cata mesa in ordine, non se sa mai, magari el gà da perquisirne tute, ghe faso mi catare el coraio.

Musica 7 di fine atto
Fine primo atto



Musica 7 di inizio atto
Inizio secondo atto

Scena 20
Entra Ginevra in vestaglia e con i bigodini in testa

Ginevra- alseve su che ormai xe ora.
Alcide- rivo rivo, che se penso che gò da ‘ndare in fonderia, pitosto ‘ndaria in cesa sta note. Ma cosa gheto in testa? Sito drio farte i lolli? Teo sè che soto i risi ghe xe i caprissi
Ginera- me toito in giro anca, a so drio farme la piega visto che dala paruchiera non poso ‘ndare, che de note xe tuto sarà.
Alcide- anca i rissi la ga da farse deso.
Ginevra- cosa gheto dito?
Alcide- gnente disevo che te me piasi anca sensa risi
Ginevra- pur de sparagnare a te piasaria anca sensa cavei.
Alcide- bon, bon, basta ma dove xei chealtri, xei ancora in bara?
Ginevra- cosa vuto che te diga, too pà de soito lè in piè a ste ore
Alcide- in piè, soe rue te vorè dire
Ginevra- te ghe voia de schersare oncò, peta, peta che te vai in fonderia.
Alcide- Alora ve alseo che xe ora?

Scena 21
Entra Vania

Vania- (in pigiama o “baby doll”) ecome ecome, sea pronta la colasion?
Ginevra- bona note ala note.
Vania- note, note, a go dormio mae, a sentivo dei rumori strani.
Alcide- a te garè vudo i incubi, e pà una che fà la cubista avere i in...cubi ga da esare teribie.

Scena 22 entra Sonia

Sonia- (in pigiamino e sconvolta)teribie xe sta batuta chì, ma tea gheto inventà o tea gai scrita? E comunque a gò sentio un mucio de movimenti sta note.
Alcide- a te gavarè magnà pesante.
Ginevra- con queo che te ciuci in giro, tuta roba sensa controi, chissà cosa che te mandi sò
Alcide- e sì bisognaria fare on consorsio del sangue D.O.C., podaria esare un’idea, RH negativo anno ‘98 produzione di origine controllata, femo on accordo con l’A.V.I.S., luri ne dà i donatori testati e nojaltri imbottigliemo le bose, o meio i flebi.
Ginevra- e dopo see bevemo, (apre il frigo e prende una gallina) l’idea xe bona ma intanto ciuciate sta gaina.
Vladimiro- (fuori scena) ma dove sea ‘ndà finire, chi xe che mea gha portà via.
Vania- ciò cosa galo el nono che el continua sigare?
Ginevra- a gho da savere mi parchè el sbeca.
Vladimiro- (fuori scena) se cato chi che xe sta lo ciucio fin che el diventa na pee de daino.
Ginevra- ciò Alcide, too pà a furia de ciuciare gaine le ‘nda fora de testa.
Alcide- papà cosa gheto da sigare, ‘ndemo in cusina e moeghea che te svej el condominio.
Vladimiro-(fuori scena) e come faso vegnere in cusina se so sensa la carosina, goi da zolare?
Ginevra- na volta te jeri bon, te ghe sempre dito che te jeri el pì bravo de tuti a diventare on barbastrijo
Vladimiro- (fuori scena) non gho pì i ani de na volta. Voio vegnerme tore o me aseo dentro nea bara par sempre?
Ginevra- la podaria esare un’idea.
Sonia- vardea qua la carosina, cosa fasevea chì?
Vladimiro- e alora me vegnio tore o no?
Alcide- Sonia và tore to nono par piasere che lè drio svejare tuti

Scena 23
Sonia esce con la carrozzina

Ginevra- bon deso el tase, on poca de pace.
Vania- ma cosa fasevea la carosina in cusina?
Ginevra- a ghin sò qualcosa mì, a sò l’unica che tien ordine so sta casa de mati.

Scena 24
Vladimiro entra con Sonia

Vladimiro- proprio on skerso da preti questo, scondarme la carosina, cattivi, villani..... luamari.
Sonia- sta calmo nono sta calmo che te salta le coronarie.
Vladimiro- calmo sì, non gavì pì rispeto pai veci, pena che uno supera i sento ani suito i lo trata da bauco.
Ginevra- suocero ‘ndemo quà e ciucia sta gaina e chissà che te tasi. 

Bussano alla porta (rumore 8 bussata)

Vladimiro- i bussa.
Sonia- i bussa.
Vania- ghemo sentio.

Bussano alla porta

Vladimiro- i bussa
Sonia- i bussa.
Vania- ghemo sentio
Ginevra- ghemo sentio
Alcide- ghemo sentio
Vladimiro- e alora voemo versarghe o li asemo fora che i bata fin doman?
Ginevra- Vania va tì ma varda chi che ghe sè.
Vania- (guardando dallo spioncino) ciò a vedo un capeo, el pare queo de na guardia... 
Alcide- i Bortoi, i Bortoi ne gà mandà i carabinieri par le gaine.
Vladimiro- bon chisà che alora la finimo de ciuciarle.
Ginevra- ( prende la gallina e la mette via) e cosa ciucemo?
Vladimiro- i Bortoi.
Vania- mi ghe verso.
(Si sente rumore di bussata alla porta).
Sonia- mejo, prima che i buta so la porta.

Scena 25
entrano il Maresciallo Vito e Luigina 

Vito- fermi tutti mani in alto.
Vania- aiuto ma chi seo sto chì?
Sonia- ma cosa ghemo fato.
Luigina- a non ste preocuparve, l’è on bonomo, xe solo na deformasion professionale.
Vito- e lei si alzi in piedi difronte alle autorità.
Vladimiro- ciò capitano cosa credeo che le ruelle le me serve par sparagnare le soe dee scarpe?
Vito- ma come si permette di parlarmi in questo tono mani sulla tavola che la perquisisco.

Scena 26
Entra Amelia

Amelia- ( da fuori scena) fermi tuti che deso rivo. ( entra tirata a lucido e pronta a farsi perquisire) Ecome, ecome capitano, par fortuna che so rivà giusta in tempo, e sta volta el serca de fare ben el so mestiere che la legge la xe uguae par tuti. ( e si appoggia al tavolo)
Alcide- ma insomma questa xe casa mia cosa feo quà, se poe savere?
Amelia- dopo dopo el te spiega, prima el ga da perquisire vero capitano?
Vito- Maresciallo Vito ( si pone sull’attenti) ci è stata segnalata una effrazione alla vostra abitazione.
Luigina- oncò fin che jero drio netare le camare xe vegnù dentro du ladri.
Vito- signorina si qualifichi per piacere.
Luigina- (sull’attenti) Luigina la donna delle pulizie, sò quea che lo gà ciamà.
Amelia- ma alora colonnello ne palpeo o non ne palpeo?
Luigina- questa la xe l’Amelia, se ricordalo Maresciallo?
Vito- ma certo mi scusi se non l’avevo riconosciuta, così vestita.
Amelia- bon, deso che el gà capio chi che sò el se ricorda che el gà ancora da perquisirme
Alcide- a me lamento mì che lavoro in fonderia ma anca fare el carabiniere l’è on lavoro duro.
Amelia- su, sù giovanotto el serca de fare el so mestiere che anca mi pago le tasse.
Sonia- maresciallo nol ne perquisirà mia anca noialtre vero?
Vito- dipende chi siete e cosa fate?
Liugina- lore le sta chì
Vito- allora non si preoccupi voi siete in regola, non occorre che la perquisisca.
Amelia- ciò graduato, col ga finio con l’anagrafe a ghe saria ancora daperquisirme.
Sonia- ma Amelia, se el ga dito che non serve par noialtre che semo sovani
Vania- no te vore mia che el te perquisisa ti, o seo insiminio.
Amelia- el ga da esare on dovere no on piacere, e el se mova che chi faso le scarpie.
Vania- se vero la legge non la varda in facia nessuni
Vito- ho detto che non occorre, lei è a posto
Sonia- se vede che stavolta la gà varda in faccia.
Amelia- vilane sensa creansa, cusì anca sta volta la xe ‘nda sbusa. Varda tì che nol me perquisise gnanca, salo cosa che gò da dirghe che lè on vero maeducato, e che le so indagini non le fa mia puito, illudare cusì la gente, una se tira a peneo e dopo non i la perqusise gnanca, non xe mia giusto cusì, e dopo i parla de giustisia par tuti, con tute le tase che pago.
Alcide- e ricordate che le tase se meio berle che pagarle.

Scena 27
Esce Amelia

Vito- ma che cos'ha la signora?
Luigina- la signo..rina, forse sè l’età!
Ginevra- o forse la ghà bisogno de ‘na cura
Alcide- sì de ormoni.
Vladimiro- Maresciallo goi da stare ancora tanto pontà soa tola che non vedo gnente?
Luigina- lù l’è el paron dea casa.
Vito- prego prego si ricomponga.
Vladimiro- varda che non me so gnoncora decomposto.
Ginevra- ma insomma se poe savere cosa che succede?
Vito- mentre voi dormivate due loschi figuri sono entrati nella vostra abitazione, e approfittando delle tenebre…..
Vania- ma se jera giorno?
Luigina- le tende jera tirà, e po’ se pì beo col scuro.
Vito- come dicevo approfittando delle tenebre si sono intromessi nella vostra abitazione asportando parte del contenuto.
Sonia- e cosa ghai robà?
Ginevra- ma alora non centra gnente i Bortoi.
Alcide- asao che el conta me pare na ficion.
Vito- prontamente le forze dell’ordine nel quì presente me medesimo Maresciallo Vito sono intervenute e con sprezzo del pericolo e ardimentoso coraggio hanno affrontato il periglio mettendo in repentina fuga i malavitosi che si sono dileguati senza colpo ferire
Vladimiro- come che el parla puito sto omo vero?
Luigina- lè uno fa i verbai.
Vladimiro- mi invese faso i bai.
Vania- comunque scusene ma ‘ndemo metarse in ordine vero Sonia.
Sonia- ecome che rivo. 
Ginevra- alora se se poe ‘ndaria anca mi postarme che me pare de esare al mercà.

Scena 28
Escono Vania, Sonia e Ginevra

Alcide- el me scusa Maresciallo, mi ghe servo a qualcosa o poso andare lavorare?
Vito- e no lei ora viene con me che facciamo un sopraluogo per verificare se ci sono segni di scasso.
Alcide- popà mi vo supralluogare col Maresciallo.
Vladimiro- lo so sempre savudo che no te ghè voia de fare on scasso
Luigina- bè vegno anca mì che non go mai visto come che se fà.

Scena 29
Escono Vito e Alcide

Vladimiro- Luigina ti fermate chi e asa che i vaga a xugare a guardie e ladri che gò da domandarte na roba.
Luigina- cosa vuto savere?
Vladimiro- te ghe dito che la Amelia la xè ‘na signorina, cosa voevito intendare?
Luigina- la xe ancora come che la gà fata so mama
Vladimiro- insiminia
Luigina- nò integrale
Vladimiro- vuto dire che la sé biologica?
Luigina-sì
Vladimiro- immacolata?
Luigina- pura e senza macchia.
Vladimiro- lavà con la candeggina, incredibile.
Luigina- non so mia con cosa che la se lava.
Vladimiro- una incontaminata, gnancora contagià dal sesso.
Luigina- be non la se mia na malattia.
Vladimiro- se anca fusse, so mi come curarla.
Luigina- deso mi vò fora ma ti tasi me racomando.
Vladimiro- sarò na tomba, e te parlo da intenditore.

Scena 30
Luigina esce

Vladimiro- jera ora, finalmente ‘na verginea, coi tempi che core pensavo de non trovarghine più. Quee che resta le xe tutte iscritte al WWF come specie in via di estinzione. Ma dove sea la gaina, (prende la gallina dal frigorifero e la mette sul tavolo) vardea quà dove che la sè, alora sito contenta che go trovà ‘na donna pura e immacolata? E quando che la gavarò tra i me brasi ghe farò un tango (canta un tango) e poi caschè (muove la gallina a mò di burattino)E dopo i me denti sol colo morbido e zacchete ( morde la gallina) che schifo la sa da gaina...

Scena 31
Vania entra in vestaglia e pettinata.

Vania- de cosa vuto che la sai, la xè na gaina.
Vladimiro- vito questa la sè l’ultima che ciuciò.

Scena 32
Fuori scena

Plinia- jera ora finalmente i ladri i salta fora.
Alcide- ma quai ladri, a xe da noialtri che i xé vegnù.
Dino- bravo Maresciallo i porta via tuti.

Scena 33
In casa entra Sonia

Sonia- (vestita come Vania) ma cosa sucede fora ( e apre la finestra) cosa sighei.
Vania- non capiso i gha tacà deso.

Scena 34
Fuori casa passando oltre la finestra

Vito- ma insomma quali sono le vostre accuse?
Dino- i xe ladri de gaine, i né gà svodà el punaro.
Plinia- i porta via tuti che i sé delinquenti.
Alcide- ma de quae gaine parleo, in casa non ghemo gaine.
Vito- senza il corpo del reato la legge non può nulla.

Scena 35
Bussano alla porta ( rumore 8 bussata)

Vladimiro- i bussa
Sonia- i bussa
Vania- gho sentio

Bussano alla porta

Vladimiro- i bussa
Sonia- i bussa
Vania- gho sentio! Ma tacheo come prima?
Vladimiro- e ora ghe versio o aseo che i bata fin doman?
Vania- e se xe quà i carabinieri par le gaine? Nono butea via.
Vladimiro- la buto, la buto (la butta in mano a Sonia) la go butà 
Vania- mi verzo.
Sonia- mi saro.

Scena 36
Entra Roby

Roby- (pulendosi il naso e un po’ alterato) salve a tutti, so qua mì.
Vladimiro- allora a vo via mi.
Vania- cosa feto qua a ste ore?
Roby- go pensà de vegnerve tore e de portarte fare un gireto, a gò na roba da mostrarve..
Vladimiro- par colpa del to amico gò butà via na gaina ancora bona.
Roby- el me pare inrabià el noneto, seo so de susta?
Sonia- nono dai che la catemo dove vuto che la sia ‘ndà
Vladimiro- te ghe rason, fora dala finestra dove vuto che la sia cascà?
Sonia apre la finestra

Scena 37
Si affaccia Vito dalla finestra con la gallina in testa.

Vito- fermi tutti mani in alto qui è la legge che parla.
Roby- chiseo… ma l’è el becaro, pà on momento pensavo che el fose un carabiniere.
Vito- io sono un carabiniere.
Roby- sì e chelì la xe la gaina de ordinanza.
Vania- Roby, lu lè on carabiniere.
Roby- si e el gira con l’auto civetta e el capeo de gaina.
Sonia- lè on carabiniere.
Roby- davero?
Vania- davero.
Roby- piacere Roby.
Vito- piacere Vito
Roby- (guardandosi in giro) …Vito cosa..
Vania- vito e basta
Roby- go capio, ma vito, cosa vidito che non vedo gnente.
Vito- Maresciallo Vito.
Roby- Haa, Vito Maresciallo, l’è el nome.
Sonia- el me scusa maresciallo ma el gavea fato confusio col nome, el sa lè on nome strano, intanto el se accomoda.
Vania- moeghea de fare el sambeo che el ne porta in gaera tuti quanti.
Sonia- ma cosa gheto, sito mato tore in giro i carabinieri?
Vladimiro- va a finira che i ne mete in gabia, cusì femo na voliera de barbastrij. 

Scena 38 entra Vito

Vito- eccomi qua, diceva che il mio è un nome strano?
Roby- no, non le mia on nome strano, vito, Vito el fasa conto che mi conoseo uno che se ciamava Ampelio Merdicchione, on nome teribie.
Vito- poverino e che cosa ha fatto
Roby- gnente l’è ‘nda in comune e el gà cambià nome, deso el se ciama Luigi Merdicchione.
Vania- el me scusa maresciallo, lo asa perdare valà.
Sonia- al nostro amico ghe piase sempre schersare.
Vito- Veniamo agli affari di legge: signori Bortoli, riconoscete il corpo del reato?

Scena 39
Si affacciano alla finestra i Bortoli e Alcide

Plinia- a vardare puito el pare Ernesto el nostro galo da semensa, cosa disito Dino?
Dino- la gresta la xe la sua, le bardagoe anca, poareto, nol cantarà più, tute le matine all’alba par 5 ani.
Alcide- du scataroni.
Plinia- come gavio fato a fare questo a lù, lo caresavimo tuti i dì.
Dino- mì lo ciapavo in braso e ghe masagiavo i peti.
Vito- basta, basta anche la legge hà un cuore.
Plinia- el gaveva du bei galoni sodi…
Dino- e deso l’è tuto dissipà, pensare che bon chel saria stà.
Alcide- che bon chel jera.
Dino- no, no che bon che el saria stà, lesso con le verdurete.
Plinia- e con on poco de cren pena gratà, che bon che el saria stà.
Vito- a voi gli animali piacciono molto.
Alcide- specie cotti.

Scena 40
Entra Ginevra

Ginevra- se poe savere cosa che sucede?
Vladimiro- i ga catà na gaina.
Plinia- ghemo catà una dee nostre gaine.
Dino- el gao, el pi bon de tuta la coà.
Vito- e adesso tutti con me in caserma per i verbali.
Vladimiro- anca gli invaidi ga da ‘ndare in caserma?
Vito- si faccia accompagnare dalla signorina.
Vania- e nò marasciallo mi resto casa, che non torna i ladri.
Roby- e mi ghe faso compagnia che mi non magno mia carne, mi so un vegetarian, solo roba sana, geneticamente modificata.
Sonia- e mi resto casa tendarlo perche non ghe se mia da fidarse de sto chì.
Givevra- gho capio sì el nono me toca urtarlo mì.
Vladimiro- serca de ndare pian e ocio ae disceseeeeee.

(musica 9 tutti al commissariato)

Scena 41
Roby Vania e Sonia

Roby- non go mia capio, se stà chi i ladri e i ve porta voialtri in caserma?
Vania- asa perdare se storie de gaine.
Roby- ma cosa gavarisei robà i ladri?
Sonia- a so chi che vardo, non capiso cosa che manca… varda lì cosa che i se gà portà via….Vania, manca l’urna de me nono.
Vania- se el nono se acorse el ciapa on colpo de soe.
Roby- (finto scandalizzato) l’urna de to nono, che asasini, mi se li catase ghe magnaria el fegato, come se fà…
Sonia- ma cosa sin fai de l’urna.
Roby- ciò la jera piena de…. jerea piena par caso ( e non visto sniffa un po’ di polverina ) magari i voeva el contenuto. 
Vania- ma se ghe jera le polveri della mogliettina del nono.
Roby- vito la jera piena della cocaina del nono…te so dire che tirade che i se fà.
Sonia- mogliettina no cocaina.
Roby- come mogliettina…cocaina.
Vania- ma nò mogliettina, le jera le ceneri de me nona morta, chi vuto che se sniffa me nona
Roby- ( gli viene da vomitare) Vania… non sto ben… bagno… 
Vania- xe de là, mamma mia che ragazzo sensibile
Sonia- se vero el gà sentio cosa che i ghe gà fato al nono e l’è sta mae, che cuore.

Scena 42
Arriva Alex

Alex- (naso tutto sporco di bianco) eilà sorelle, come ‘ndemo stasera che me sento on leon. (ruggisce)
Vania- ma Alex non te ghò mai visto cusì su de giri.
Alex- a gò na nova medisina. Se voì stasera a gho fià par tute do. (ruggisce)
Roby- Alex..
Alex- Roby, ma gheto visto on morto, gho mì na roba par tirarte su ( e mostra un sacchettino pieno di polvere bianca )
Roby- si gira in preda a conati e corre in bagno
Alex- ma cosa ghe xe suceso?
Sonia-te savesi poareto, dopo te conto (corre in bagno)
Alex- i se diventà mati, speta che me tiro sù, la se na bomba sta roba, da far risorgere i morti. (ruggisce)
Vania- ma cosa feto, sito mato.
Alex- a se par l’allergia.
Roby- nò Alex, nò…..( esce dal bagno sempre in preda a conati)
Alex- cosa gheto, ghin vuto?
Roby- no non so mia alergico. Alex, la mogliettina del nono, cremà.
Alex- che strano che te sì, te ghinè tolta masa.
Roby- stà fermo e scoltame se sta chi i ladri
Alex- lo so, iero qua anca mi, cioè me imagino…alora i ladri…
Roby- i gà robà l’urna dea mogliettina del nono
Alex- ma va. Che delinquenti, da coparli (e sniffa sornione e ruggisce)
Roby- e dentro l’urna ghe iera la moglie del nono, la nona dee tose.
Alex- si e i mete so nona dentro on vaso, come fala starghe…
Roby- i la brusa.
Alex- i la brusa, se vero se tea brusi resta solo un poca de senare, on poca de senare fina, fina, nera…nera vero?
Roby- bianca, bianca.
Alex- come…..(tira fuori il sacchetto con la polvere e lo butta per terra) o mamma, me vien da vomitare.
Sonia- Roby come vala?
Roby- mi meio ma deso toca lù
Alex- ( mano sulla bocca ) huuuuu!!
Sonia- anca ti spetame che rivo. (esce)
Roby- ghe gho contà de queo che sé successo e l’è stà mae anca lù.
Vania- che amici gentili che gò, gavì proprio un cuore grande così.
Alex- (esce dal bagno) (rumore 10 water) Roby, mi vò casa so finio.
Roby- anca mì, te capiso.
Sonia- che amici ( li abbraccia) dai Alex che te si on leon
Alex- roar (timido)

Alex e Roby stanno per andare via quando Vania vede il sacchettino di polvere per terra e li richiama.

Vania- ciò tusi seo vostro sto chì?

Roby e Alex si girano vedono il sacchettino e scappano mano alla bocca.

Scena 43
Escono Alex e Roby

Vania- che carini che i sé, non pensavo mia che i fuse così sensibili, de cuore e de stomego.
Sonia- poareti, e pensare che i pare cusì imbranà.

Scena 44
Entrano Alcide con Ginevra che spinge Vladimiro allegri e pimpanti

Alcide- cusì i Bortoi i gà finio de rompare i totani.
Vladimiro- jera ora che se fasesimo ‘nà ciuciada come che se deve, me ricordo sti ani che bevude che me fasevo.
Ginevra- e comunque grasie par averme asà el carabiniere, l’unico che non jera nostran. E lo savì che “sangue e buoi dei paesi tuoi”
Vladimiro- e te te lamenti, e te dovei sajàre i Bortoi, cheilì a furia de slevare gaine i gavea el sangue chel savea da sorgo. l’unico che la ghe se ‘ndà puito l’è el to omo, lù almanco el se gà trovà la Luigina, con na caroseria lustra come na machina pena vegnù fora da na fabrica. 
Alcide- nova, nova non diria, disemo che qualche tagliando i gheo gavea sa fato, comunque non me poso mia lamentare, pitosto de na’ gaina.
Vania- ma cosa sio drio dire, ma de cosa parlèo?
Vladimiro- e chisè che gheo spiega deso?
Alcide- toca so mama, asè che le done le se rangià
Ginevra- sempre cusì voialtri, co sé ora de dire le robe toca ae femene.
Vladimiro- ognuno i so mestieri.
Sonia- voio contarne o continueo così fin matina?
Ginevra- deso te conto sì. A jerimo lì in caserma col maresciallo Vito, quando che i Bortoi i gha tacà sigare
Alcide- “ le gaine i né gha robà le gaine”
Vladimiro- “i ne fa el sangue cativo a furia de robarne la roba”
Ginevra- proprio cusì e i continuava
Alcide- “le gaine le se el nostro sangue”
Sonia- vardè che ghemo ancora da magnare.
Vladimiro- “ se i continua così i né svena”
Vania- basta che me fè vegnere fame
Ginevra- perché a nojaltri nò, to nono el ghà taca far na bava in boca, parea che el gavase magnà nà lumega
Vladimiro- xe diese ani che ciucio gaine, non ghin podeo pì
Alcide- ma el pì beo vien deso, la Luigina la gà batu su pal canton dea finestra e la se taia na man
Ginevra- gha tacà vegner fora el sangue belo rosso, el ne fasea na voia
Sonia- che beo maturo e sugoso, che fame..
Vladimiro- a ghemo tacà sbavare come se gavesimo magnà du kili de limoni a testa
Vania- mama che slanguorin che me fè vegnere
Alcide- el maresciallo el xè ‘ndà fora tore on ceroto e pena che l’è ‘ndà fora…..
Vladimiro – ghe semo saltà doso.
Alcide- mi ghò guantà la Luigina (afferra Vania e imita) e ghe go piantà i denti sol gargato
Vladimiro- e mi go guantà uno dei Bortoi (agguanta Alcide) e ghe gò pianta i denti sol cosciato.
Alcide- aia la coscia
Vladimiro- ehhh coscia vuto che sia
Sonia- ma perché sol cosciato?
Vladimiro- sol colo non ghe rivao
Alcide- i Bortoli gha tacà sigare
Ginevra- sé vegnù dentro el carabiniere, che se non so svelta a piantarghe i denti sol gargato el ciama rinforsi.
Vania- e i Bortoli ghai continuà sigare?
Alcide- seee, sigare, i se ghà fermà suito, to nono el gà tacà tirare che el pareva un bidon aspiratutto
Vladimiro- finalmente gò ciucià come che me piase a mì, da giovane i ma ciamava aspurgo da come che tirao.
Sonia- e dopo cosa xe suceso, i gavio asà là?
Ginevra- no a semo diventà dea stesa rasa e dopo i vien qua a stare con noaltri.
Alcide- metemo su la comune dee sanguete.
Vania- va ben tuto ma noaltre? Ve pare giusto che ghemo da restare a boca suta?

Bussano alla porta (rumore 8 bussata)

Vladimiro- i bussa
Sonia- i bussa

Vania- ghemo sentio

Bussano alla porta

Vladimiro- i bussa
Vania- ti Sonia tasi
Alcide- che i sia xa rivà?
Vania- (guardando fuori dallo spioncino) nò, se qua Roby, e questo meo papo mì, via tuti, ve in bara che deso a ciucio anca mì.
Sonia- e mi chi se che ciucio.
Vania- ti te ghe Alex.
Sonia- a gho capio.


Scena 45
In casa rimane Vania ed entra Roby con l’urna in mano

Vania- Roby, ma cosa gheto in man?
Roby- ti non te ghe credarè ma go catà sta roba dentro on cassonetto
Vania- ma la xe l’urna de me nona, fame vedare….peta che la verso
Roby- no valà asa stare..
Vania- e nò varda, manca roba chi dentro
Roby- meti via chea porcheria lì che me vien da vomitare
Vania- ma la xe solo on poca de senare, non te ghè mia da magnarla
Roby- (mano sulla bocca) meti via tuto che se ghe penso
Vania- (mette via l’urna, e poi si avvicina sinuosa) ma caro el me Roby, te si proprio stà bravo, quasi quasi a te meriti on premio, cosa disito se se femo uno spuntino?
Roby- (si siede su una sedia) ma mi non go mia fame.
Vania- ma mi sì. Come steto, sito in salute?
Roby- si sto puito, tuto ben
Vania- e la pressio come sea, alta, bassa…giusta?
Roby- ma Vania non te me ghe mai domanda ste robe.
Vania- te se te me ste a cuore, non voria che te fusi malà
Roby- ma te digo de no, se te vui me faro le analisi del sangue
Vania- nooo, non serve, quele te le faso mi, a proposito che gruppo gheto, AB?
Roby- e no cara, mi so raro
Vania- non sta dirme che te ghe el gruppo A?
Roby- no cara mi go el gruppo zero
Vania- oddio, el gruppo zero le raro introvabile,
Roby- te ringrazio
Vania- le denso, dolce gustoso…
Roby- grazie Vania, se te serve na trasfusion te poi contare su de mi
Vania- dime e il fattore rh... negativo?
Roby- no no no …positivo.
Vania- non resisto, posso farte on prelievo, piccolo, piccolo..
Roby- ma Vania ghe voe na siringa..
Vania- non sta preoccuparte so piena de risorse.. (Musica 11 Vania si pone difronte a Roby e comincia ad avvicinarsi affamata) 
Roby- Vania cosa feto parchè te fè cosi, te me fe paura.
Vania- gruppo zero, non sta preoccuparte. Farò in fretta
Roby- Vania, Vania… aiuto.. cosa feto.. aiutoo
Vania- tasi che go fame
Roby- ma non so mia on self service…

Vania si avvicina, si siede sopra le ginocchia di Roby coprendogli il viso poi stende le maniche della vestaglia come un mantello (particolare collo del mantello ampio con lamine a raggiera inserite nella stoffa che aprendosi forma una ruota tipo pavone)

Vania- ghe se sempre na prima volta
Roby- aaaaiiiiiiiaaaaaaa
Si spengono le luci
Si riaccendono le luci Roby è un vampiro (occhiaie nere)

Roby- porco sanguasso che ciuciada, ma cosa me geto fato? A me sento diverso
Vania- te sì diventà parte dea fameia anca ti
Roby- cio ma cosa credito, mi non voio mia sposarte.

Scena 46
Entra Ginevra, con Vladimiro e Sonia

Ginevra- non se mia de nose che se parla
Vladimiro- ma de on legame de sangue
Vania- e si deso el to sangue l’è el mio e el mio l’è el tuo
Roby- ciò ma a sentirve parlare de sangue me vien na fame
Sonia- a proposito de fame quando riveo Alex?
Roby- speremo presto che gho apetito.

Scena 47
Entra Alcide

Alcide- se normae, dopo te te abituerè.
Roby- sarà ma a gò sempre pì fame, non se che poso darghe na ciuciadina a uno de voaltri?
Vladimiro- ciò nol perde mia tempo sto dj chì, nol vede l’ora de piantare i denti
Vania- gho capio mì ma cosa ghe demo, l’ultima gaina tea ghè butà via

Bussano alla porta (rumore 8 bussata)

Vladimiro- i bussa
Sonia- ghemo sentio

Bussano alla porta (rumore 8 bussata)


Roby- i bussa
Vania- tachito anca ti deso 
Ginevra- ghemo sentio
Alcide- ghemo sentio
Vladimiro- i ghà sentio
Sonia- deso ghe verso.

Scena 48
Entra Alex

Alex- bonasera, ciò Roby a so stufo de spetarte in machina
Ginevra- ‘ndemo caro, n’demo.
Vladimiro- quando che se dise la providensa
Sonia- jerimo qua che te spetavimo
Alcide- e sì parchè el to amico Roby el gà ‘na fame che nol ghin poe pì
Alex- ma mi non gò gnente da magnare
Roby- a parte tì
Alex- si apunto a parte mì, ma varda che so duro da rosegare
Roby- non te rosego nò, al massimo te ciucio.
Alex- ciò ma cosa gheto sito mato, xo le man
Sonia- asa perdare, fate dare on baseto da mi, chì sol colo.
Roby- e no lo ciucio mì
Sonia- so le man, questo meo papo mì (lo tirano da una parte e dall’altra)
Alex- ma sio mati, cosa feo, so le man.
Sonia- so le man e fora i denti, l’e mio
Roby- no mio..

Alex scappa inseguito da Roby, Sonia e poi da tutta la famiglia 

Vladimiro- ghea moeo de corare che finiso el batistrada, a furia de rodolare..(e rotola avanti ed indietro sul palco)

Musica 12 tutti si rincorrono Luci a calare .

Scena 49
Tutti sono vampirizzati e riuniti per festeggiare la nuova comunità dei sanguetta, Vladimiro è in centro scena.

Vladimiro- varda che bea famejeta che ghe xe deso, come femo a mantegnere tuti?
Alcide- se credì che l’unico a laorare sia mi, a me pianto on palo de frassino da solo pitosto
Ginevra- e se credì che l’unica a fare i mestieri a sia mì ve faso do spagheti oio e aio che vei ricordè pà on toco
Vito- fermi tutti, mani in alto!
Luigina- ma sito diventà mato, scuseo se la forza dell’abitudine.
Vito- e comunque non preoccupatevi, ho trovato lavoro come guardia notturna, io non demordo
Vladimiro- forse non te demordi, ma par morsegare
Luigina- e mì vo netare de note, cusì porto casa qualche pesatea
Alex- noaltri ‘ndemo in discoteca vero Roby
Roby- sicuro e le do soree le fa le cubiste
Sonia- e ogni tanto ghin morseghemo uno, ma poco..
Ginevra- tute bee robe ma vardè che non ghemo pì le gaine dei Bortoi da ciuciare
Dino- beh, vorà dire che invese de gaine a slevemo soete.
Plinia- o anche barbastrij, cusì se cambia menù
Vania- a proposito de menù, tento nono che sorpresa che te ghemo fato (Vania esce)
Vladimiro- ‘na sorpresa cosa vuto che me sorprenda ormai, a gò visto de tuto

Scena 50
Entra Vania con Amelia su un baldacchino come la vergine Maria, in testa una corona di luci, veste candida ed una fascia sulle spalle con una scritta “I TUOI CARI”. 

Musica 13 di ingresso per Amelia

Vladimiro- questa non la gavevo mai vista, la pare ‘na santa.
Vania- e ghe xe de pì nono, la xe ancora casta
Vladimiro- immacolata
Sonia- sigillata
Alcide- ghe credo, ghe voe coraio par fare serte robe
Amelia- bè cosà credito che non gai vudo anca mì i me spasimanti?
Luigina- ma la se sveia.
Vania- sicuro che la se sveia, ghe gò assicurà la vita eterna
Luigina- Amelia ma cosa tin feto della vita eterna
Amelia- teo sé Luigina, mì nella mè giuventù so stà come on pomo
Alex- ma và na vegetariana?
Ginevra- asea che la parla
Amelia- mi jero on pomo e non me so mai fata rosegare da nesun
Roby- non se trata mia de rosegare ma de morsegare.
Amelia- e deso che ghò trovà el me principe azzurro
Vladimiro- la parla de mì.
Dino- on principe azzurro sensa cavao
Plinia- si ma con le rue
Amelia- deso che go trovà el me principe me faso rosegare par tutta l’eternità
Alcide- coraio papà
Dino- speremo che te gai denti boni
Vladimiro- non so pì tanto sicuro chel sia on bel regao.
Amelia- e alora vuio o non vuio che diventa anca mì de stà fameia?
Alcide- varda che rasa de parenti che me porto casa, comunque tusi demose da fare, tuti soto, pitosto de na corona de aio.
Vladimiro- (cantando) Si spengono le luci si tacciono le vocie nel buio si sente sussurrar

Amelia- ahhh che ciuciada. 

Musica 14 di fine spettacolo

martedì 20 gennaio 2004