O FRIU I PISCI O GUARDU A JATTA
Commedia brillante in due atti di
Rocco Chinnici
PREFAZIONE
Peppi e Catarina, conducono in un cortile, nella loro modesta abitazione, una
vita tranquilla e, anche se tra loro nascono degli screzi, finisce che da li a
poco ritorna la calma di prima; ma… quando ad abitare in quel cortile, prende
dimora un malato mentale, tra l’altro uscito da poco dal manicomio, saltano
tutti gli equilibri e…
Tonnarella 16, maggio 2012
PERSONAGGI
PEPPI capu famigghia
CATARINA mugghieri
GERMANU figghiu
RIOLU patri di Catarina
LORA vicina
ALFREDO frati di Lora
(Un cortile con degli attrezzi da cestaio. Diversi panieri e ceste sparse in
giro. Qualche mazzo di cipolle e peperoncino appesi alla parete, ed altre cose
che arricchiscono lo scenario di un esterno).
CATARINA
(Entra nel cortile e guarda Peppi intento a misurare la larghezza della casa)
Chi è ti mittisti a fari u ‘ncigneri, ora? Si po’ sapiri chi sta facennu cu ssa
rrullina?
PEPPI
E’ vidiri quantu nni tocca di pagari pi sta nova tassa. No sintisti chi liggi ca
misinu? A cu havi a casa ci spetta di pagari.
CATARINA
E picchi nuautri non stamu pagannu?
PEPPI
Stamu pagannu… chi? U mutuu a banca?
CATARINA
U sai chi no ‘nn’haju caputu nenti. U mutuu a banca non servi pi pagari a casa?
(Peppi annuisce) Oh! E allura chi avemu di pagari di autru si a casa a stamu
pagannu nui?
PEPPI
Allura ‘un lu capisti! A tassa, a tassa avemu di pagari!
CATARINA
A… tassa pa… casa?
PEPPI
Propriu così! Eccu, vidi? Ci voli tempu, ma finisci chi all’urtimu i cosi i
capisci.
CATARINA
(Sempre più confusa) Scusa, a casa a stamu pagannu nuautri, e allura chi ci
trasi chi avemu puru di pagari a tassa? Non è ca nna rialò u Statu! E poi, a
casa non è chi è ancora a nostra sinu ca non finemu di pagari, quindi…
PEPPI
Comu non è nostra! Non ficimu u prestitu pa ccattari?
CATARINA
A nostra, si! Non semu mancu patruni di vinnilla! Comu non paghi cchiù, a banca
sa pigghia! E di cursa puru! Avutru chi nostra e nostra!
PEPPI
Ah, si? E allura sai chi fazzu, mi cogghiu a rullina; chi ci misuru a fari, si a
casa non è ancora a nostra?
CATARINA
A mia u dumanni? Tu si ca haj a rrullina e pigghi misuri.
PEPPI
Chi poi, dicu ju, u Statu ‘nveci d’aiutariti a falla a casa, aspetta chi tu a
finisci pi fariti u rrialu: a tassa! A nautri du jorna, a tutti chiddi ca pagamu
a tassa, nn’arriverà di pagari ‘na tassa speciali.
CATARINA
Ah, si! E quali sarebbi?
PEPPI
U statu metterà ‘na tassa supra a tassa chi già pagamu; ‘n paroli semplici: si
ju… mittemu pagu centu euru di tassa, lu statu mi farà pagari ‘nautra tassa
supra i centu euru, e accussì pi tutti l’autri ca paganu i tassi: cu nni paga
centu, pagherà la tassa pi centu, cu nni paga ducentu pagherà la tassa pi
ducentu, e così pi tutti l’autri.
CATARINA
E certu, chistu è nautru premiu chi u statu ricanusci a tutti chiddi onesti ca
paganu i tassi… puh!!! Curnuti! Comu, nuiautri, quannu un parenti, o ‘n’amicu si
fa a casa, ci purtamu pi preju: ‘na pianta, o… chi sacciu un oggettu
d’arredamentu, e u Statu, chi avissi a essiri iddu a dari l’esempiu, nni fa
pagari simili tassi! Chi Statu è chissu?
CATARINA
Senti, ‘ncigneri, ma tu l’ha caputu bonu cu è u Statu e di cu è formatu?
PEPPI
E certu, u Statu è un’entità giuridica… si, mi pari chi così si dici; e è
formata di una grossa organizzazioni politica…
CATARINA
Alt! Basta, fermati ddocu, non continuari cchiù.
PEPPI
Picchì?
CATARINA
Picchì non ha caputu nenti! Tu dicisti chi è formatu di una organizzazioni
politica…; dicisti così?
PEPPI
Certu.
CATARINA
Vidi, vidi chi già sbagghiasti! Picchì… sinu all’organizzazione ci semu; chi è
puru grossa e abbastanza puru, sulu chi non è politica, ma è una organizzazioni
di latri, pirati, filibusteri…
PEPPI
Filibusteri! Pirati! Oh, Catarina, ma chi dici? I pirati non sunnu a mari?
CATARINA
Ah ma si vidi chi allura non ha caputu propriu nenti! A mari nuiautri ci semu!
Pezzu di maccarruni ca si! Ha sapiri ca u Statu è comu quannu c’eranu i Re di
‘na vota; u palazzu du guvernu di ora, è comu u casteddu unni stava u Re cu i
sudditi; i sudditi, chi sarebbiru i politici di ora, ponnu fari i liggi pu
populu? No! Li fannu pu Re, chi sarebbi lu Statu di ora… (Peppi non capisce) Chi
è non capisci? U sapia! Però non ti prioccupari chi non è grave si non capisci,
picchì tanti ci nn’è comu a tia ca ci veni difficili capilli sti cosi.
PEPPI
E allura picchì i sudditi fannu sti liggi contru ‘o populu, sapennu di falli a
fauri du Re?
CATARINA
Oh, Peppi! Picchì dici? Ma picchì u Re è non è fissa! E allura chi fa, paga li
sudditi a pisu d’oru, no vidi quantu guadagnanu li sudditi di ora! E iddi
cuntinuanu a essiri servi fedeli. U capisti picchì a genti s’ammazza pi
divintari sudditu? No politicu! Politicu si dici picchì semu… in… democrazia.
PEPPI
Eh, no chistu u sacciu! Ddocu ti sbagghi! Picchì… democrazia, voli diri o
rriversu di chiddu ca sta dicennu tu! Voli diri chi cumanna u populu!
CATARINA
Cu tia è inutili ca cuntinuu a discutiri, picchì tu si comu a tuttu u restu du
populu, chi si ‘nghiuttiu di essiri ‘n democrazia; si fussi così, ci nni saria
motivu di pagari a tassa da casa, dopu ca un poviru cristu si l’ha fatta a
lacrimi di sangu? Ci fussi motivu ca u riccu cumanna e u populu fa u schiavu?
PEPPI
Senti, Catarina, ma picchì non ti metti a fari politica?
CATARINA
Comu si vidi chi ssi ‘ngenuu figghiu! E tu pensi ca mittissiru a mia a fari
politica? L’avistu mai fari politica a unu ca dici chiddu ca dicu ju? Un lu
mannassiru pi subitu a casa, ‘o u ‘ntirnassiru ‘nto ‘n carciri cu ‘na scusa
qualsiasi e ghittassiru a chiavi?
PEPPI
Senti, bonu, bonu non l’haju caputu u discursu; però capivu chi a casa non l’è
misurari cchiù; voli diri ca chiddu chi veni appressu si vidi. U sai ‘nveci chi
fazzu ora?
CATARINA
Sintemu.
PEPPI
Scrivu o Prisidenti da Repubblica…, chi dicinu chi è un cristianu bonu…
CATARINA
Pi tia, tutti cristiani boni su.
PEPPI
Oh, così dicinu! Chi è un cristianu appostu.
CATARINA
E secuta! E chi fai, ci scrivi dicisti?
PEPPI
Ci scrivu ‘na bedda litra dicennucci tuttu chiddu ca dicisti tu, e si è giustu
chiddu ca cuntinuanu a fari i politici: pani pani e vinu vinu.
CATARINA
(Ironica) Ah, ci scrivi… pani pani e vinu… vinu? Oh, Peppi, comu si vidi chi a
oj chiffari non nn’ha propriu! Non è megghiu chi ti va fa quattru panara,
‘nveci?
PEPPI
Ma u Prisidente da Repubblica…
CATARINA
E ‘nsisti! Non putemu canciari discursa? Pi forza di chistu avemu a parrari?
Secunnu tia, u Prisidenti ‘un lu sapi chiddu ca fannu i politici! Comu fa iddu a
diri chi tu ha ragiuni! Tu pensi ca u Prisidenti, si vulissi, ‘un lu sapiria
comu putiri risorviri a crisi pi ‘na vota e pi sempri? Ha sapiri, chi u Re di
‘na vota s’impadrunì di tutti li terri di contadini lassannuli a tutti morti di
fami, o stissu di comu chiddu ca sta succidennu ora. Su populu arrivò chi già
non po’ manciari cchiù, non si capisci ca è picchì li beni du populu si
pigghiaru li ricchi? Chi sarebbiru comu li baruni, li conti, li marchisi…, di
‘na vota? ‘O populu non ci ristò mancu la dignità di essiri omini! Comu a po’
risorviri a crisi, u populu, si non teni cchiù i sordi pi cattarisi i cosi di
prima nicissità? C’è genti chi non si po’ ccattari cchiù mancu u pani e a pasta,
e ‘na pocu aspettanu ca chiudinu i mircati popolari pi jiri a circari ‘n menzu a
unni jiettanu u restu da frutta marcia, pi vidiri di truvarinni quarcuna bona! U
capisci unni semu rrivati? Ti vogghiu fari un esempiu: mittemu chi nuautri avemu
deci figghi, e nno stissu tempu avemu puru centi euru, chi facemu?
PEPPI
Ci dassimu deci euru pi ogni figghiu!
CATARINA
Eccu! Vidi? Chistu è un raggiunamentu sanu! Ma chistu, picchì nuiautri vulemu
beni a tutti e deci figghi! Si ‘nveci u Statu… ca di certi so figghi non ci nni
futti nenti di nenti, nni duna ottanta a dui e l’autri vinti chi restanu i
sparti all’autri otto; mu vo diri comu fannu chist’ultimi, a teniri u passu di
l’autri dui? Finisci ca rischianu di fari ‘na brutta fini… comu del restu sta
succedinnu ora, vidi quanta genti c’è puru ca s’ammazzi picchì non po’ rrivari a
fini misi? Quindi… Sai chi fai, lassalu perdiri di scriviri o Prisidenti, chi ci
perdi puru i sordi du franchibullu.
PEPPI
Forsi ha ragiuni. Allura sai chi mi cunveni fari; mi fazzu pi daveru quattru
panàra, così si veninu i crienti e servi ca pigghiu corchi cosa di sordi, e
facemu un pocu di spisa.
CATARINA
Oh, finarmenti! E così, finarmenti canciamu puru discursa. (Entra in scena Lora,
vicina di casa).
LORA
Salutamu, mastru Peppi. A chi semu cu i panàra? E a vinnita, chi dici? Si
ccatta, si ccatta a genti?
PEPPI
Dicemu chi, cu a crisi ca c’è, si stenta a vinnilli; a genti, oramai, preferisci
ccattarisilli di plastica i panàra…, puru picchì risparmia. La maistrìa di
l’arti, oramai non havi cchiù cumpenzu!
LORA
(A Catarina) Buon giornu donna Catarina.
CATARINA
Buon giornu a vui, donna Lora. Chi dici vostru frati? Comu sta?
LORA
E comu vuliti c’havi a stari! Vui u sapiti comu si po’ stari quannu si è ‘nna
ssi condizioni.
CATARINA
Ju, pi furtuna…
LORA
Pi carità, non vogghiu di diri ca vui aviti avutu a stissa malatia di me frati…
vulìa diri chi vui putiavu capiri comu si po’ stari quannu un omu è nna sti
condizioni. Va avanti a furia di gnizioni e pinnuli; pinnuli e gnizioni, chi
servinu a tinillu carmu; anzi, dicinu i medici chi per ora è in una fasi di
tranquillità; tantu ca mi dissiru chi… si vogghiu, mu dunanu pi ‘na para di
jorna; dicinu chi ogni tantu, stari ‘n casa, l’aiuta a stari megghiu, picchì ci
ritornanu ‘n menti i ricordi di ‘na vota, chiddi di l’infanzia, e allura…, chi
vuliti ca fazzu?
CATARINA
(Preoccupata) E nenti, chi putiti fari! Dda, i medici sannu megghiu di vui, comu
pigghiallu.
LORA
Ma mancu u pozzu bbannunari! E allura chi mi tocca fari, vistu ca dicinu chi è
megghiu, vaju e u portu un pocu di jiorna cca; è me frati, e si non l’hajutu ju,
cu vuliti co fa!
CATARINA
(Molto preoccupata) Chi vuliti diri, ca ora jiti e u… pigghiati?
LORA
E certu, u pozzu bannunari!
PEPPI
(Preoccupato) Donna Lora, nun è chi… niscennu… vostru frati… Vui vu ricurdati
chiddu ca successi a vota passata!
CATARINA
Ancora i vermi havi du nuccenti di me figghiu, pu scantu ca si pigghiò! Nun è
chi ora…
LORA
No, non cridu! Allura chi motivu avissiru i duttura di diri ca u fannu nesciri?
Anzi, (a Peppi) sapiti chi faciti, mastru Peppi, ogni tantu, comu ora iddu veni,
vu mittiti a latu e ci parrati di cosi antichi, così servi chi l’aiutati a
guariri. Ju vaju, si nno, me frati, sapennu chi è jiri a pigghialu, spetta comu
un piccididdu a nisciuta da scola di vidiri cumpariri o patri o a matri chi u va
pigghia, e si u genitori tarda, ci resta mali, picchì non si vidi attenzionatu.
A prestu (esce, mentre i due rimangono a guardarsi imbambolati e nello stesso
tempo preoccupati).
PEPPI
Catarina, u capisti chiddu ca dissi donna Lora?
CATARINA
Dissi chi ti la teniri o latu picchì u jiuti a guariri; chissi su malatii chi
non c’è nudda cura chi po’ guariri.
PEPPI
Chistu voli diri chi a mumentu ‘ncumincia l’opira!
CATARINA
(Preoccupatissima) E cu Germanuzzu comu facemu? Chiddu su ‘nzonna ancora a
notti! E certi notti sauta du lettu gridannu chi pari ca u stannu ammazzanu!
Appena senti chi u Prufissuri nesci ti vogghiu! E’ capaci chi mori du scantu!
PEPPI
E ‘ntantu ciù putemu diri di non purtallu cca a so frati! Chista a so casa è.
CATARINA
Guarda chi facemu, ‘ntantu damucci ‘na sistimata a tutti sti cosi pedi pedi, si
nno finisci chi comu arriva, si cunfunni e rischia chi u cidiveddu ci va subitu
in suprariscaldamentu.
PEPPI
E allura, primaramunni puru a daricci ‘na bona accoglienza, po’ essiri chi si
senti cchiù… comu diri… tinutu ‘n considerazioni, comu dici donna Lora, e sta
cchiù tranquillu. Pi prima cosa ci dicemu: Professore carissimo! Eh si, picchì a
iddu ci avemu a parrari ‘n talianu! U sai ca ci teni cchiù da so stissa pirsuna;
e guai a sbagghiari, si nno… vistu ca iddu ama parrari ‘ntalianu, pensa chi u
stassimu pigghiannu pi fissa, cioè chi u stassimu sfuttennu.
CATARINA
E si quarchi cosa non sacciu comu si dici ‘n talianu, chi fazzu, m’ammazzu?
PEPPI
Senti chi fai, ripeti chiddu ca dicu ju, e si voi, ogni tanti ci dici: “si,
certo si capisce! Ha ragione!” Avemu a circari di fallu sempri cuntentu, guai a
contrariallu! Si nno ‘ncumincia a pinsari chi si è comu dicemu nuiautri, voli
diri chi è signu chi iddu non raggiuna cchiù, e si non raggiuna cchiù, pensa chi
è cosa di manicomiu; ma… siccomu, iddu, o manicomiu non ci voli turnari, chi
succedi?
CATARINA
(Preoccupata e impaurita) Bedda matri, chi… succedi?
PEPPI
Succedi chi… (le risponde come fosse un pazzo, facendola spaventare) Bum!!!
Esplodi la so fuddia!
CATARINA
(Fa un sobbalzo facendo un passo indietro) Corpu di sangu a tia e a iddu puru;
un motu mi facisti pigghiari! Non ti pari ca tu si cchiù pazzu d’iddu?
PEPPI
Ora ti scanti? Comu veni ta scantari, si sbagghi a dirici quarchi cosa. E non ti
rischiari a dumandaricci comu sta!
CATARINA
Ah… no?
PEPPI
E certu ca no! Picchì allura iddu pensa ca nuiautri, dumandanduci, voli diri chi
già u sapiamu ca stava mali, e quindi chi ha statu ‘o manicomiu. Casu mai ci
putemu dumandari di avutri cosi ‘mportanti; chi sacciu… comu s’avissi statu in
un convento e che esito abbia avuto la confidenza…
CATARINA
(Fraintende) Ah, comu si iddu avissi statu ‘n conventu, e a cunfidenza c’avia cu
i frati?
PEPPI
(Meravigliato) Ma quali conventu e frati!
CATARINA
Comu, finisti di diri ora ora: u conventu, a confidenza…
PEPPI
Ma quannu! Ju non mi rifirivu ‘o cunventu di frati, ma a ddu cosa ca fannu
quannu si juncinu alte personalità di la scienza!
CATARINA
E allura è megghiu chi non ghiapri pi nenti a bucca! Non si dici conventu e
confidenza ma… convegno e conferenza… si mi pari chi così si dicinu. Sai chi
facemu? Parramu comu sapemu parrari nuiautri, chi è a megghiu cosa! E forsi è
ancora megghiu chi lassamu parrari a iddu, e, si è u casu, ci calamu sempri a
testa, tantu non cridu chi starà assai cca; chisti non su malatii ca si
guariscinu di oggi a dumani, anzi… non si guariscinu propriu! Quindi…
PEPPI
Si nno, u sai chi facemu? Ju mi fazzu truvari chi non vidu; e tu chi non senti e
non parri bona. Così è sicuru ca non ci avemu a chi fari, e non putemu
sbagghiari.
CATARINA
U sai ca putissi essiri ‘na bedda truvata! Aspetta ca ti pigghiu l’occhiali
scuru, chiddu ca usa Germanu pu suli.
PEPPI
E già, veru! E si ‘nzamà, ‘nto megghju trasinu Germanu, o to patri?
CATARINA
Voli diri chi non ci damu cuntu a nuddu di dui. Aspetta chi pigghju l’occhiali,
prima c’arrivanu (va a prendere gli occhiali, mentre Peppi cerca di finire di
sistemare il posto dove sedersi).
PEPPI
Ju mi ssettu cca e fazzu finta di non vidiri, e di sutta l’occhiali scuri, servi
ca controllu tutti i so muvimenti (entra Catarina con gli occhiali).
CATARINA
Eccu cca, vidi comu ti stannu, (li prova).
PEPPI
Appostu! Un paru un ciecu pi daveru? (Prende un bastone che si trovava li
accanto e fa la prova a camminare). Chistu mu tegnu a latu comu si mi sirvissi
p’ajutarimi a caminari e nno stissu tempu pi carricariccillu ‘n testa, si ci nni
fussi di bisognu. Sulu chi cu stu pazzu pedi pedi, trasemu ‘n ferii.
CATARINA
Chi voli diri ‘n ferii?
PEPPI
Voli diri chi non pozzu travagghiari cchiù; comu fazzu, scusa, se controllari a
iddu? “O frìiu i pisci, o guardu a jatta!” (Si sente il rumore di una macchina
arrivare e lo sbattere dello sportello) E chi è, già cca su! (Corri, corri, a
occupare posto. Catarina va a sedere più in la, facendo finta di lavorare con
qualche attrezzo: con la lana, o a stirare, rammendare… Mentre Peppi, prende un
paniere che era in lavorazione e se lo mette sulle gambe intento a lavorare.
Entrano i due, lui con i capelli di dietro tesi verso l’insù come se si fosse
alzato da poco dal letto; attorno agli occhi, un po’ di nero, mentre in faccia,
un po’ di talco o fondo tinta bianco. Una giacca, possibilmente grande. La
cravatta, su di una camicia bianca, larga di collo. Avrà sempre gli occhi fuori
dalle orbite e guarderà fisso; parlerà quasi staccando le parole per il forte
effetto dei tranquillanti).
LORA
(Vedendoli in quella posizione e senza reagire al loro ingresso, non capisce e
chiama Catarina) Donna Catarina, donna Catarina! (Alfredo, guarderà in giro con
lo sguardo assente, ha in mano una vecchia valigia legata con un filo di spago e
una grossa radio a transistor sotto il braccio).
PEPPI
Oh, donna Lora! Vui siti? Menu mali ca vinistivu!
LORA
(Meravigliata) Chi fu, chi successi? Picchì mi dicistivu: vui siti? E com’è chi
vostra mugghieri non senti? E vui chi ci fati cu ssi occhiali scuri? Non è chi
c’è suli?
PEPPI
Prima mi facissi salutari o Prifissuri; vinni, veru?
LORA
E certu ca vinni! No viditi?
PEPPI
E chissu vi vulia diri; successi chi a me mugghieri ci scumpariu a ‘ntisa e
quasi ‘un po’ parrari cchiù; e a mia… u viditi? M’abbannunau a vista d’un tuttu!
LORA
Comu, non stati travagghiannu ‘o panaru?
PEPPI
Gna veru è! U sapiti chi è, chi a cosa è frisca frisca, e mi ristò u panaru ‘n
manu. Aspittati ca u posu e chiamu a me mugghieri, (si alza e, tentoni, col
bastone si aiuta a camminare). Catarina, Catarina, veni ca c’è u Prufissuri!
CATARINA
(Peppi la tocca con il bastone e lei ha un sussulto. Parlerà sforzandosi come
fanno i muti per farsi capire). Bon giornu Prufissuri.
ALFREDO
(Quasi sillabando e con gli occhi spiritati) Perché questa parla così che non si
capisce? Mi prende in giro?
LORA
Ma quannu mai, chi va pinsannu, Alfredo! A maritu e mugghieri i pigghiò ‘na
brutta malatìa: idda non po’ parrari bona e non senti, e so maritu… mischinu!
Non vidi cchiù nenti.
ALFREDO
E come fu? Dove fu? Quando fu? A che ora fu?
PEPPI
Cca, cca dintra successi; e non nni putemu spiegari u mutivu!
ALFREDO
(Parlerà sempre molto lento e con un sottile filo di pazzìa) E com’è possibile?
Può essere che avete ritardato a mangiare? Si dice, spesso, che: dalla fame non
ci vedo più, e se tu hai tardato a mangiare, è possibile che sia andata via la
vista. Si, proprio così.
LORA
No, Alfredo, non potti essiri chistu!
ALFREDO
(Un po’ adirato, ma sempre sillabato) A me non devi dirlo che non è potuto
essere, perché io non posso sbagliare!
LORA
Ah, veru è, raggiuni ha! E… idda (indicando Catarina), idda, allura, comu è ca
non senti e non parra bona?
ALFREDO
Sicuramente è successo che lei gli avrà detto che ancora il mangiare non era
pronto e lui le disse: ‘mmucca, spiramu a Diu! (A Peppi) Non è vero? A me puoi
dirlo, non glielo racconto a lei.
PEPPI
Veru, veru è!
ALFREDO
E siccome lui le ha pure detto un sacco di parolacce, lei si è tappata le
orecchie forte, e così è finita che si è pure rotto il timpano. (A Caterina)
Dillo, dillo, a me puoi dirlo, non glielo racconto a lui.
CATARINA
(Aiutandosi anche ad annuire e facendosi sempre capire con la gola) Veru, veru
è!
ALFREDO
Lo sai che faccio, mi siedo un poco qui, in questo cortile che mi aiuta a
pensare e a ricordare i giorni quando ero piccolo. (A Lora) tu, se vuoi, puoi
andare, se dovessi avere bisogno, ti chiamo: (La chiama come se fosse già andata
via) Lora, Lora! Com’è, no ci sente!
LORA
Cca, cca sugnu Alfredo.
ALFREDO
Ah, qui sei? Sei già arrivata?
CATARINA
(Impaurita, parla normale e scappa dentro casa) Bedda matri, o peggiu jemu; mi
scantu!
ALFREDO
(Si guarda sbalordito con la sorella meravigliata) Chi è stato a parlare? Mi è
sembrata lei (indicando Caterina). E dov’è, se n’è andata?
LORA
Sicuramenti appi a curriri pu gabinettu.
ALFREDO
Ah! Perché qui si corre per andare a gabinetto? Lo sai che non lo ricordavo più.
Dov’ero io, non si correva per andare al gabinetto, potevi farla…, dove ti
trovavi.
LORA
(Scandalizzata e sdegnata) Chi schifu!!! No, cca così è! Forsi tu scurdasti. Cu
sapi, sarà l’aria di stu curtigghiu ca ti fa curriri pi jiri… dda.
ALFREDO
Sai che d’ora in poi dovrò farci caso! Ora, se vuoi, puoi andare; io mi siedo
qui accanto a Peppi, a momenti torna la signora Caterina…
PEPPI
E ora ca torna!
ALFREDO
Ah, non torna più? Allora vuol dire che sarete voi a tenermi compagnia, perché
il dottore dice che ho bisogno di parlare.
LORA
Alfredo, sicuro ca pozzu jiri dintra?
PEPPI
(Si tocca il fondo dei pantaloni facendo smorfie) Haju ‘na strana ‘mprissioni…
ALFREDO
Lora, non la senti questa puzza? E’ come se mi mancasse l’aria. Che cosa può
essere?
LORA
Nenti, sicuramenti è signu chi donna Catarina già fici chiddu c’havia a fari! E
ora… rristò… u ciavuru.
ALFREDO
E meno male che è andata via di corsa! Se no…
LORA
Allura… vaju?
ALFREDO
Si, si, c’è qui Peppi se dovessi avere bisogno (Lora si avvia).
PEPPI
Donna Lora aspittassi chi ci haju di dirici ‘na cosa (Le va incontro mentre
Alfredo è intento a guardare, sempre con lo sguardo assente, in giro). Ci vulia
diri (guarda se Alfredo possa guardare e sentire, ma quello è intento a guardare
altrove) Chi ju vjiu bonu, e chi me mugghieri nun havi nenti; decisimu di fari
così pi quantu non strinciamu confidenza cu vostru frati.
LORA
Mastru Peppi, fici bonu a dirimi chissu; u sapi chi m’avia scantatu chi era
veru?
PEPPI
Però, puru vui, tinitilu d’occhiu a vostru frati, non mi pari tantu tranquillu
comu dissiru i duttura. Ora jitivinni e nun ci facemu capiri nenti.
LORA
(Alza la voce pernon far capire niente al fratello) Va beni, mastru Peppi, nun
stati ‘n pinseri (esce).
ALFREDO
Sai che faccio, esco dalla valigia i regali che ho portato, tanto tu non li
vedi; sono delle cose che mi serviranno per realizzare un progetto, qui in
questo cortile. (Apre la valigia e va uscendo quanto si è portato d’appresso.
Per prima cosa tira fuori un cappio) Questo è un attrezzo che serve per
realizzare l’altalena; si mette qui (indicando il collo) così, infilato e la
persona fa così (facendo come il pendolo dell’orologio). Lo sai che sento troppa
puzza? (Prende un altro oggetto, è un grondissimo coltello) Questo è un altro
attrezzo che…, non appena finisce l’altalena; serve a far così: zamt! (indicando
la decapitazione) e ci sbrighiamo prima. Poi c’è… (annusa in giro) Lo sai,
Peppi, che sto soffocando dalla puzza?
PEPPI
E si un la finisci di nesciri sti… attrezzi di dintra a valigia, arriva chi a
mia… mi nescinu (le feci) tutti cosi di sutta i pantaluna.
ALFREDO
Allora, hai visto gli attrezzi!
PEPPI
Cu, ju? E comu fazzu a vidilli, chi sugnu orbu d’un tuttu!
ALFREDO
Meglio per te, perché se li vedevi, dovevi essere il primo a fare l’altalena.
PEPPI
(Preoccupatissimo) Sapi chi ci dicu, siccomu a me mugghieri ‘un la pozzu
chiamari chi non senti e ju è jiri o gabinettu, voli diri chi ci vaju cu i me
pedi e lei mi spetta cca, chi ora tornu.
ALFREDO
Fai presto però, se no, vengo io a prenderti.
PEPPI
Certu ca fazzu prestu! (Scappa di corsa tenendosi il fondo dei pantaloni)
Catarina, Catarina! Libiru è u gabinettu? (Alfredo si tappa le narici per la
puzza che ha lasciato Peppi).
ALFREDO
(Si tappa il naso facendo segni di disgusto) Intanto che torna Peppi accendo
l’arradio, e poi entro a casa; è da tanto che non la vedo. (Si sentira una
musica tenebrosa, qualcuna dei films dell’orrore. Alfredo esce mentre entrano,
guardinghi e in punta di piedi, Peppi e Catarina. Lentamente, Peppi l’accompagna
a farle vedere gli attrezzi che Alfredo aveva riposto nella valigia).
PEPPI
Veni, veni; (Catarina ha paura) e non ti scantari, ca si torna scappamu di
cursa! (Apre la valigia) Guarda chi c’è cca; chistu (cappio) dici ca servi pi
fari l’altalena (Catarina vorrebbe tornare subito indietro impaurita come non
mai, ma Peppi la trattiene) Aspetta ti dissi! E chist’avutru; (coltello) u vidi
chistu? Dici ca servi pi quannu unu finisci di farisi l’altalena, così guarda
(fa il segno di staccare la testa e Catarina cade a terra come una pera marcia)
Zamt! (Peppi abbassa la testa e non vede più Catarina) E chi è, scumpariu già!
Ah, cca si! Catarina (L’ajuta a rinvenire mentre, impaurito, guarda se possa
rientrare Alfredo) Catarina! Sbigghiati ca si trasi Alfredu, l’altalena a tutti
dui assiemi nni fa fari! Svigghiati. (Entra Germano, ragazzo effeminato e
vestito con indumenti lucidi e attilati, con del gel ai capelli; s’accorge di
sua mamma a terra e di suo padre che ha quel grosso coltello in mano).
GERMANO
(Scandalizzato e pieno di paura) Papà!!! Oddio!!! Che cosa hai fatto? Hai ucciso
la mamma?
PEPPI
Zittuti, zittuti! Quali ucciso e ucciso! Curri, veni cca e ajutami, prima chi
trasi u Prufissuri!
GERMANO
(Preoccupatissimo) Chi, il Professore… Alfredo? Di nuovo è tornato? Io ho paura!
(Sta per andare).
PEPPI
Unni va! Veni ti dissi e ajutami! Guarda chi fai, va pigghia u biccheri cu
l’acqua, e ci vachi dintra menza buttighiedda di gocci di chiddi ca usa u nonnu
pi jiri ‘o gabbinettu, e portalu subitu cca, curri! (Germano esce di corsa
facendo un saltellino come usano fare quelli che hanno quelle caratteristiche).
Catarina, Catarina! Sbigghiati ti dissi, si nno mali finisci! (Guarda, molto
preoccupato, se rientra Alfredo e cerca di alzare Catarina che non da segni di
ripresa). Catarina! Comu, un mumentu fa parivi ‘n’avvocatu, cu tuttu ddu
scilinguagnulu supra a politica, e ora… (entra Germano col bicchiere).
GERMANO
Tieni, dagliela, dagliela!
PEPPI
Ma a cu a to matri? A purga? E tu pensi chi avemu bisognu di purga nuiautri cu
tuttu chiddu ca voli cumminari u Prufissuri! Ci mittisti i gocci?
GERMANO
Glielo svuotata quasi tutta la bottiglietta!
PEPPI
Bonu facisti! Senti chi facemu, stu biccheri u mittemu o postu di chist’avutru
(sostituisce i bicchieri, e quello con le medicine lo nasconde sotto la sedia).
Ora tu jisa di dda (indicando la parte dei piedi), e ju jisu di cca (davanti); a
pigghiamu e a purtamu dda ghintra a to matri, prima ca trasi chiddu di
l’altalena.
GERMANO
Di… cosa?
PEPPI
Sbrigati! Jisa e camina ca poi tu cuntu (escono a soggetto).
LORA V.F.S.
(Entra Alfredo mentre si sente la sorella che lo sollecita a prendere le
medicine che aveva lasciate li col bicchiere) Non ti scurdari i midicini,
Alfredo! U sintisti chi ti raccumandò u dutturi? “Si prenda le medicine, se
vuole stare tranquillo!
ALFREDO
(Entra. Avrà sempre lo sguardo assente, e ripeterà, come fosse una litania e
scandendo sempre le parole). Le medicine, le medicine ha detto il dottore! Devo
prendere le medicine, le medicine… (guarda la radio) questo lo spegniamo, così
facciamo riposare la musica. (Beve il contenuto del bicchiere che credeva fosse
suo; mentre entra Riolu in mutandoni, uno scialle da notte e con un berretto di
lana in testa, terrà in mano un vaso da notte che andrà a svuotare in
un’ajuoletta attaccata al muro del cortile, lo svuoterà e, passando il dito
sull’orlo dal lato di dov’è caduta l’urina, lo leccherà e se lo pulirà di sopra.
Tutto avviene sotto lo sguardo assente di Alfredo che gli si era messo vicino
seguendo tutti i suoi movimenti: passo, dopo passo e facendo segni di disgusto,
sino ad accompagnarlo fuori da dov’era entrato).
ALFREDO
(Ritorna a guardare dove Riolu a buttato l’urina e si tappa il naso. Poi si
avvia a chiamare Peppi e comincincerà a contorcersi per gli stimoli che ha)
Peppi, Peppi! (Continua a contorcersi) Ma che cosa mi sta prendendo? Lora, Lora!
Dove sei? Vieni, che mi canta lo stomaco!
LORA
Chi c’è? Chi hai Alfredo? (Annusando in aria) Chi puzza ca c’è, oggi, ‘nna stu
curtigghiu! (Guarda il fratello preoccupata) Non è chi… puri tu… (si fosse
defecato addosso)
ALFREDO
Lora, ma che ci sono gli spiriti in questo cortile? Ne ho visto uscire uno da
li, con un vaso da notte in mano e che ha svuotato in quel posto.
LORA
(Pensa che il fratello cominci a dare i numeri) Alfredo, ti pigghiasti i
midicini chi lassavu ‘nto biccheri?
ALFREDO
Tutte, tutte le ho prese; solo che mi hanno fatto fare… (indicando come se
avesse defecato).
LORA
(Gli guarda il sedere meravigliata) Allura tu si, chi… (tappandosi il naso).
Eccu di unni vinìa a puzza! Amuninni, amuninni ca ti va canci ssi robbi!
ALFREDO
Ma io dovevo parlare con Peppi di un progetto…
LORA
Ha tempu, ha tempu di parrari cu Peppi. Camina ca ti vaju a canciu (si avviano a
uscire, parlando a soggetto, mentre entrerà, guardingo, Peppi che andrà a
togliere gli oggetti del progetto che Alfredo aveva in mente di realizzare).
FINE PRIMO ATTO
SECONDO ATTO
(Scena come la precedente. Peppi intento a sistemare i panieri, cerca di non
fare accorgere ad Alfredo della sua finta cecità. Catarina si appresta ad andare
in chiesa)
CATARINA
Ma chi ci dicisti a donna Lora chi nuiautri non avemu nenti e chi è tuttu pi
finta?
PEPPI
E certu, si finia chi nni scupria idda chi era megghiu?
LORA
Spiramu ‘nveci chi non nni scopri u Prufissuri, si nno semu fritti!
PEPPI
Senti, ma tu unni sta jennu, così ‘mpillicciata?
CATARINA
Comu, unni staju ennu, ‘un lu sai chi a duminica vaju a missa?
PEPPI
E non nni poi fari a menu sta duminica, e resti dintra? O pensi ca u Padreternu
ti metti ‘n castigu si pi ‘na vota non ci va? (Entra Lora, agghindata anch’essa
e pronta per andare in chiesa).
LORA
Salutamu. Donna Catarina, (fa finta di non sentire) donna Catarina! Mi putiti
rispunniri, non vu dissi vostru maritu ca sacciu tutti cosi? Dicitimi, unni
stati jennu a missa?
CATARINA
E certu, oggi è duminica!
LORA
Allura vi fazzu cumpagnia.
PEPPI
Eccu ddocu! Tutti a missa vannu. E comu sunnu divoti! Non si nni perdinu una!
LORA
(Risentita) Chi sintiti diri?
PEPPI
Sentu diri ca di quantu ci nni siti ca jiti a chiesa, u munnu avissi a essiri
chinu di genti bona, e ‘nveci…
CATARINA
Parra chiaru, ‘nveci di parrari a menzi paroli.
PEPPI
A ‘na pocu di fimmineddi, è u trattu “da casa, a chiesa” ca vi futti.
LORA
Mastru Peppi, ma c’aviti a oj? Mi pariti un pocu…
PEPPI
Nenti, non haju nenti, donna Lora! Vui u capistivu chi vogghiu diri! E… dicitimi
‘na cosa, a vostru frati non vu purtati?
LORA
Ca comu mu portu a me frati chi a chiesa cumincia cu dari i numira!
PEPPI
Allura chi è megghiu ca u lassati cca a dari i numira? U sapiti chi fazzu?
(Guarda preoccupato se possa entrare Alfredo) Ci vegnu puru ju a chiesa! Tantu
di quantu havi ca vinni vostru frati, sono entrato in ferie! Non pozzu cchiù
fari un panareddu!
LORA
E cu vu pruibisci, scusati?
PEPPI
Donna Lora, ma chi diciti veru? Comu, cu mu proibisci! Ca vostru frati! Comu
fazzu a travagghiari se teniri d’occhiu a iddu e scantannumi chi po’ cumminari
quarchi cosa d’un mumentu a l’avutru? A voli sapiri ‘na cosa? Cca, ju a finiri
ca: “o frìiu i pisci, o guardu a jatta!” U capistivu ora?
LORA
Chi ci trasinu i pisci e a jatta ora! Me frati è fattu cchiù carmu, non disturba
propriu.
PEPPI
A vui vi pari! Ma ‘un lu viditi chi certi mumenti pari chi avissi a fari un
bottu! (Alla moglie) Nenti, decisi, a missa mi nni vegnu!
CATARINA
Comu, non ci ha vinutu mai, e ora…
PEPPI
Voli diri chi è signu ca mi vinni l’ispirazioni.
CATARINA
Va cuntaccillu a n’avutru e no a mia ca ti canusciu di dintra e di fora. Havi di
poi chi battiamu a Germanu chi non va a missa e ora…
PEPPI
E ora chi? Pari chi u parrinu m’avissi a ‘nterrogari!
CATARINA
Si po’ sapiri sta nuvità di unni ti vinni?
PEPPI
Vo sapiri propriu a virità? Siccomu mi turnò a vista, mi vinni ‘na conversioni!
Sti cosi arrivanu così, senza ca mancu t’aspetti.
CATARINA
E a me patri, non ci pensi a me patri? Si s’avissi a surgiri, cu ci bada?
PEPPI
(Meravigliato) Cu bada a to patri, dicisti? E comu, non ci pensi tu chi ssi a
figghia, e voi ca ce pinsari ju ca sugnu u jienniru! Pi mia, to patri, po’ fari
chiddu ca voli… tantu u fa o stissu chiddu ca ci sfirria ‘nto ciriveddu!
LORA
E a me frati? Mastru Peppi, cu ci duna adenzia a me frati?
PEPPI
Ah, quindi vuiavutri vi nni jiti a chiesa, e ju… ca ‘un sugnu mancu consanguiniu
di nuddu, restu a fari a balia di tutti? Sbagghiu c’è! Cca, sinu a quannu vostru
frati è ‘nta stu curtigghiu, non si va a nudda banna, o chi vi pari d’aviri
truvatu u badanti!
CATARINA
Chi senti diri chi non è jiri a missa oj?
PEPPI
Sentu diri ca ti va canci e duni adenzia a to patri, chi per ora non è tempu di
jiri a… prjari. Si propriu ci teni, voli diri chi ti metti sutta un quatru da
Madonna e avogghia di diri prjieri ca haj! E puru vossia, donna Lora, ci cunveni
ca bada a so frati; a vosi a scimia, ora pigghia e sa porta a spassu! Ma viditi
a tutti dui! Si nni stavanu jennu a chiesa!
ALFREDO V.F.S.
Lora, Lora, dove sei? Non trovo più la testa.
PEPPI
Eccu ddocu! (A Lora) E si nni stava jennu a chiesa! Ma cu quali curaggiu? Unni
vulìa ca cia jia a truvari, ju, a testa a so frati, chi sapi chi non ci vju e
mancu sacciu unni mettiri i pedi?
LORA
(Alfredo esce in pigiama e con uno specchio in mano che lo fissa stupito) Chi
c’è, chi fai cu specchiu ‘n manu? Ta fari a varba?
ALFREDO
(Preoccupato) Dove sono? Com’è che non mi vedo? Lora, Lora, lo specchio ha
rubato la mia immagine! Dov’è la mia testa? Diglielo tu e fattela dare, che lu
ti conosce. Corri, corri, prima che perdo la ragione!
PEPPI
E certu! Si dici ca persi a testa, è signu ca raggiuna chi pedi!
CATARINA
(A Lora che, distrattamente, le parla normale) Donna Lora, vidissi di risorviri
a situazioni, picchì si nno, cca finisci a “brocculi a pastetta!”
ALFREDO
Ma lei, non parlava così bene!
CATARINA
Gna veru è, u sapi (riparla come gli parlava prima) chi non ci havia pinsatu!
ALFREDO
Mi state facendo confondere tutto! Trovatemi la testa, che qui non c’è, se no,
il cervello mi scoppia. La testa, voglio la testa!
LORA
E comu fazzu? Unni ci a va pigghiu sta testa? Vi nni prju, ajutatimi vui, mastru
Peppi!
PEPPI
V’ajutu, e comu va jutu, scusati?
ALFREDO
Lora, dove sei? Vieni t’ho detto! E tu (allo specchio) ladro che non sei altro,
prenditi questa! (Lo butta a terra con rabbia… sempre contenuta).
LORA
Bih!!! Ma chi facisti? E ora, mu vo diri ora unni a va pigghiu a testa? (Peppi
va a prendere quello che è rimasto dello specchio, cioè la cornice e se la mette
davanti al viso, portandosi vicino ad Alfredo in modo che egli si possa
specchiare).
ALFREDO
Oh, eccola qui! Sei tornata! Dov’eri andata? Sai che sembri un po’ diversa?
Lora, Lora, guarda; ho ritrovato la testa!
CATARINA
E chi bedda testa! Era megghiu a so!
LORA
Vidi, vidi chi a truvasti! Ora è megghiu ca u va posu ssu specchiu, prima ca si
rumpi.
ALFREDO
Si, si posalo, che se si rompe come faccio a vedere se perdo di nuovo la testa!
(Lora prende la cornice e Alfredo rimane a guardare fisso Peppi). E tu… chi sei?
LORA
Comu cu è! ‘Un tu ricordi? Chistu è mastru Peppi.
ALFREDO
(Più confuso che persuaso) Ma Peppi… chi? Io lo conosco?
LORA
Certu! E’ u nostru vicinu di casa, u maritu di donna Catarina! Chiddu ca divintò
ciecu! A donna Catarina (Indicandola) mancu ta ricordi?
ALFREDO
(Pensieroso) Catarina, Catarina… Ma di dov’è, della Russia è? Mi pare di
ricordare d’aver letto qualcosa su di lei; solo che adesso non mi ricordo bene…
LORA
Non ti sfurniciari Alfredo, chi chista non è chidda da Russia.
ALFREDO
Ah, non è quella? Ecco perché non mi ricordavo! Sai, Lora, che devo realizzare
un progetto?
LORA
Un progettu? (Peppi e Catarina si guardano preoccupati) Non mi diri chi ti vo
costruiri ‘na casa?
ALFREDO
No, è un progetto sulle altalene… quante volte la facevo quando ero piccolo; mia
madre mi spingeva, mi spingeva, ed io mi divertivo a fare avanti e indietro,
avanti e indietro… solo che qualche volta non riuscivo a tornare indietro…
LORA
Ah, no! E picchì?
ALFREDO
Perché quando mi spingeva mia sorella…
LORA
Io… vo diri?
ALFREDO
No tu, mia sorella! Spingeva, spingeva forte, forte, forte… ed io volavo
sbattendo a terra facendomi male… pure qui (indicando la testa); lo sai che
ancora sento dolore quando la tocco?
LORA
Pi davveru?
ALFREDO
Così ho deciso di fare un nuovo progetto di altalena; aspetta che ti faccio
vedere gli attrezzi (va a prenderli ma non li trova). E com’è, erano qua! (A
Lora) Li hai presi tu?
LORA
Ju? Ju nun sacciu mancu di chi cosa sta parrannu!
PEPPI
(Alfredo guarda Peppi) ‘Un guardassi a mia chi non ci vidu e non sacciu nenti.
ALFREDO
(Ha capito che Peppi ha detto qualcosa senza logica) Tu mi fai confondere tutto
quando parli. Il discorso deve essere orizzontale; se fai sali e scendi mi fai
confondere tutto, mi fai confondere. (Poi guarda Catarina)
CATARINA
A mia è inutili ca mi guarda, picchì non sugnu di cca, ma da Russia…
ALFREDO
(Confuso) Ah, allora giusto dicevo che avevo letto qualcosa di lei! (A Lora)
Senti, se loro non c’entrano, chi li ha presi gli attrezzi? Lora, devi trovarli,
se no come faccio a realizzare il progetto?
GERMANO
(Entra con la valigia di Alfredo) Papà, c’era questa valigia in casa da noi, può
essere che il professore…
ALFREDO
(Adirato) Allora tu l’hai presa! Dammi, dammi qua la mia valigia che come
finisco di realizzare il progetto, tu sarai il primo a collaudare l’altalena.
CATARINA
(Impaurita) Dammi, dammi cca a matri, chi ci a dugnu io (va a prenderla, Germano
gliela da e scappa di corsa dentro; Catarina la porta, terrorizzata, ad
Alfredo).
ALFREDO
Grazie. Chi sei tu? Quando finisco di capire quello che ho in mente, ti faccio
dondolare un po’ sull’altalena.
CATARINA
(Impaurita) No, grazii, io… soffru di… vertigini!
ALFREDO
Niente ci fa, tanto non potrai cadere dall’altalena come cadevo io, perché sarai
imbracata qui (indicando il collo), per questo sto realizzando questo progetto.
LORA
Alfredo, vidi chi ta pigghiari a midicina; tu scurdasti chi dissi u dutturi?
ALFREDO
La medicina, la medicina devo prendere.
LORA
Amuninni, amuninni ca ta dugnu (si avviano).
ALFREDO
Voi due aspettate qui che a momenti torno; questa la porto con me che ciò gli
attrezzi (escono mentre i due rimasti si guardano impietriti).
CATARINA
Chi dici si nni nni scappassimu di cursa di stu curtigghiu?
PEPPI
E ‘nsisti cu ddu proggettu! Haju ‘na strana ‘mprissioni chi chissu veru dici!
Avissi a cumminari ‘na stragi!
CATARINA
Io dicissi di jirininni di cursa ti dissi! Mi scantu cu chistu pedi pedi!
RIOLU
(Entra col pannolone, la giacca, la cravatta e un paio di scarponi militari)
Catarina, comu staju vistutu così?
PEPPI
Minchiuni! Pari un figurinu, un modellu! Unni sta ghiennu a quarchi sfilata di
moda?
CATARINA
Mmucca, spiramu a Diu!
RIOLU
Ah, Catarina, chi dici chi a cravatta ci sta cu sta giacca?
CATARINA
Ju, veramenti…
RIOLU
Un ti piaci a giacca, o a cravatta?
CATARINA
A secunnu unni havi a ghiri.
RIOLU
(Contento) A missa, a missa! Me jiri a pigghiari a cumunioni!
PEPPI
E vidi chi sfilata di moda!
RIOLU
Chi dissi, chi paru ‘na rota?
CATARINA
Dissi chi l’accumpagna iddu sta vota.
PEPPI
Haju a ‘mprissioni chi u prufissuri ti mmiscò a malatìa. Tu ‘mmaggini cu iddu,
vistutu così, comu rrivamu ‘nto corsu? Accumpagniaccillu tu a chiesa, s’ha
curaggiu.
CATARINA
U sapi chi fa? Si va riposa nautru pocu, chi dopu vegnu e ci pigghiu l’autri
robi di mittirisi.
RIOLU
Allura sai chi fazzu, rrivu ‘nta chiazza e a mumentu vegnu (si avvia).
PEPPI
Curri, va pigghialu, prima ca nesci fora!
CATARINA
Aspetta papà! Unni sta jennu? Così, senti friddu si nesci!
RIOLU
Allura mi mettu u cappottu di supra?
PEPPI
Ora dicu ju, u prufissuri non pari un ancileddu ‘nconfrontu a iddu? Certi
mumenti pari di truvarimi nni ‘na casa di cura. Ah, si facissi un ternu ‘o
lottu! V’avissi a mannari a fari ‘nto culu a tutti quantu siti!
CATARINA
Io, si propriu te diri a virità, u ternu ‘o lottu u fici ddu jornu ca mi
pigghiavu a tia! Chi furtuna ca appi!
ALFREDO V.F.S.
Vado, che devo parlare con Peppi.
PEPPI
Chi sugnu cuntentu chi havi a parrari cu mia!
LORA
Ti pigghiasti i midicini?
ALFREDO V.F.S.
Tutte le ho prese le medicine.
LORA
Non fari arrabbiari a mastru Peppi.
ALFREDO
Io sono bravo; bravo sono io!
PEPPI
Cu a testa livata!
RIOLU
Chi dissi, a missa cantata?
CATARINA
A discursu di missa, amuninni, amuninni co vaju a canciu, chi dopu jemu a missa.
RIOLU
Chi sugnu cuntentu, chi sugnu cuntentu! U sai chi fazzu, mi canciu sulu a
cravatta, chi dici?
PEPPI
U sai chi fai, metticci u papillon, vistu c’havi a jiri a missa.
RIOLU
(Fraintende ancora) Chi nni pigghia pi fissa?
CATARINA
U lassa perdiri a iddu; amuninni. (A Peppi) E… divertiti cu prufissuri.
ALFREDO
Peppi, sai, mi è venuta una bella trovata.
PEPPI
Scummettu di lassari futtiri ddu proggettu!
ALFREDO
No, quello lo devo realizzare al più presto!
PEPPI
Ma no, u lassa futtiri ci dicu! L’altalena, ognunu, comu sa voli fari sa fa! E
si cadi ‘n terra, peggiu pi iddu.
ALFREDO
(Alterandosi un po’) Non sia mai!
PEPPI
(Impaurito, fa un sobbalzo) E bonu, bonu, raggiuni havi! Fa bonu chi realizza u
proggettu; chi è giustu ca unu cadi, batti a testa e… (fa segno di diventar
pazzo).
ALFREDO
Che vuole dire questo gesto che hai fatto?
PEPPI
(Cerca di correggere il gesto) No, nenti, vulia diri chi… si batti a testa…
dopu… ci gira la testa, eccu, si propriu così!
ALFREDO
(Parlerà quasi sempre con lo sguardo assente e la calma di uno che è sotto forti
sedativi) La testa, quando gira la testa ci confondiamo tutti. Ora sai che
facciamo, ci sediamo e parliamo un po’ di cose passate; assai mi piace parlare
di cose passate. (Siedono).
PEPPI
(Si tocca il sedere pensando che possa defecare dinuovo) Spiramu ca tegnu.
ALFREDO
(Non sente bene) Che cosa hai detto?
PEPPI
Nenti, dicia… spiramu ca teni a seggia e non si rumpi. Parrassi, parrassi di
chiddu ca voli.
ALFREDO
Ti ricordi quando ero piccolo e mio padre mi dava sempre bastonate? Tante me ne
ha date mio padre!
PEPPI
(Parla verso il lato opposto ad Alfredo, in modo che non sente) E sapissi quantu
ci nni dassi ju!
ALFREDO
Peppi, parla più forte che non sento bene.
PEPPI
Dicia, si sapissi quantu nni pigghiavu ju!
ALFREDO
Ah, pure tu li hai preso? E forte, forte li prendevi?
PEPPI
Eh, avogghia!
ALFREDO
Mio padre voleva che non frequentassi le ragazze, perché diceva che loro mi
allontanavano dallo studio.
PEPPI
Ah, allora, donne… nix?
ALFREDO
Lo sai Peppi, certe volte penso che il Padreterno abbia sbagliato a fare una
cosa importante.
PEPPI
Ju puru u sacciu!
ALFREDO
Davvero, lo sai pure tu? E come, come avrebbe dovuto fare invece?
PEPPI
Havia a fari chi dopu ca mittia a testa a ognunu di nuautri, havia a pruvari si
funzionava bona!
ALFREDO
Ma che dici? Io mi riferisco a un'altra testa!
PEPPI
(Sbalordito) Ah, certu! Parravamu di fimmini! Allura… voli diri dda testa…
testa?
ALFREDO
Si, proprio quella.
PEPPI
E comu l’avia a fari dda testa?
ALFREDO
No, per farla l’ha fatta bene! Solo che avrebbe dovuto metterla in un altro
posto, invece che lì dove si trova.
PEPPI
E… scusassi, prufissuri, unni l’avissi dovutu mettiri, si è lecitu?
ALFREDO
Ma nella mano!
PEPPI
‘Nna manu?
ALFREDO
Si capisce! Nella mano! E alla donna, quella cosa… tu mi capisci a cosa mi
riferisco, quella cosa gliela metteva qua (indicando la spalla). Così quando uno
le metteva la mano sulla spalla… (Gli posa la mano sulla spalla) hai capito?
Pensaci, pensaci bene…
PEPPI
(Gli toglie la mano che aveva appoggiato sulla sua spalla) ‘Ntantu ‘ncuminciassi
cu livari a manu da spadda! Ma u sapi chi è un grandissimu sporcaccioni! Unu
camina pa strata, ennu parrannu e cu a manu supra a spadda e…
ALFREDO
E non ti pari chi è a megghiu cosa?
PEPPI
Eh, avogghia di sfurnari figghi c’avissimu!
ALFREDO
U sai chi ti dicu, ca ti parru ‘ntalianu, picchì tu, mancu u dialettu capisci.
PEPPI
Si, si, forsi è a megghiu cosa.
ALFREDO
Sai che faccio, visto che non capisci, vado a prendere gli attrezzi e comincio
quel progetto. Aspetta che torno subito. (Esce balbettando qualcosa sul
progetto).
PEPPI
(Impaurito) Ura è! Forsi è megghiu ca non mi fazzu truvari, picchì chissu cu mia
u cumincia u proggettu. (Esce toccandosi il sedere come a volerlo tappare).
ALFREDO
(Entra Germano, venendo da fuori; cammina lentamente leggendo un libro, e non
s’accorge di Alfredo che ha il cappio in mano e il grosso coltello infilato nei
pantaloni. Gli si avvicina lentamente e lo prende, cercando di mettergli il
cappio al collo). Ti ho preso finalmente!
GERMANO
(Che ha la bocca tappata dalla mano di Alfredo, cerca di districarsi e chiedere
aiuto) Aiuto, aiuto! Mi lasci!
ALFREDO
Fermo, stai fermo che devo vedere se funziona (Gli infila il cappio al collo,
poi sfila il coltello e Geramno sviene dalla paura, mentre Alfredo lo sorregge
tenendolo in piedi). Ecco così (lo farà oscillare con la complicità di Germano).
Poi, come finisce di dondolare, si prende il coltello e… (Entra Lora e rimane
impietrita).
LORA
Alfredo, Alfredo, no! Chi sta facennu?
ALFREDO
Sto realizzando un progetto.
LORA
Fermu, aspetta! Aspetta chi t’ahjutu io. (Gli si avvicina) Dammillu (il
coltello), dammillu chi u tegnu io, chistu.
ALFREDO
No, che tu non lo sai come devi fare. Aspetta che prima ti faccio vedere…
LORA
Fermu! Chi prima ta pigghiari i midicini si non vo turnari unni i duttura!
ALFREDO
Si, si, le medicine, non voglio tornare dai dottori. (Entra Catarina e Peppi).
CATARINA
(Vede Lora col coltello in mano e Germano col cappio al collo, sorreto da
Alfredo) Germanu, Germanuzzu!
PEPPI
(Corre anch’egli di corsa e va a togliere il coltello dalle mani di Lora) Chi
faciti puru vui cu ssu cuteddu ‘n manu? Datimi cca!
LORA
Nenti, non fazzu nenti. Tiniti (gli porge il coltello, dispiaciuta e
mortificata), chi accumpagnu me frati unni ddu postu di suffirenza e duluri, ma
chi è l’unicu postu, unni iddu po’ stari. Veni, veni cu mia Alfredo ca jemu a
pigghiari i midicini e a valigia.
ALFREDO
(Adagia a terra Germano con tutto il cappio che aveva al collo) Le medicine, le
medicine dice il dottore. (Si avviano a prendere le cose).
CATARINA
(Gli toglie il cappio dal collo e lo lancia lontano) Germanu, Germanuzzu miu! Io
sugnu, to matri, arrisbigghiati. (Al marito) Curri, va pigghia un pocu d’acitu e
va jietta ssu cuteddu tu navutru! (Peppi esce di corsa). Germanu, rispunni.
GERMANO
Dove sono? Che mi sento strano! Mamma, tu…
CATARINA
Un sonnu facisti, un sonnu; ora ci sugnu io cca cu tia, nun aviri paura, chi
nuddu ti farà cchiù mali. (Rientra Peppi col bicchiere).
PEPPI
Germanu, Germanuzzu du papà! (Rientrano Lora che tiene sottobraccio Alfredo
intontito dai medicinali e con la valigia in mano. Catarina mettrà la mano
davanti agli occhi di Germano).
LORA
E ora, Alfredo, saluta i signori che andiamo.
ALFREDO
(Li saluterà muovendo leggermente con la mano un po’ alzata, con lo sguardo
assente e con voce flemma) Buon giorno a tutti.
LORA
E… perdunatilu… si… putiti. A curpa nun è a so, ma di sta tinta disgrazia ca nun
lu lassa cchiù pi curtu. Amuninni, amuninni Alfredo ca nni facemu du passi.
ALFREDO
Si, si, due passi, facciamo due passi (andranno via lentamente e a soggetto).
PEPPI
Mischinazzu però. Chi vita ca fa! Però, ‘ntantu nna so fuddia mi dissi du
sbagghiu ca fici u Padreternu…
LORA
Picchì, ‘nna so fuddia, happi puru u curaggiu di criticari u Padreternu?
PEPPI
Certi voti, la fuddìa havi truvati chi mancu un scienziatu po’ pinsari d’aviri.
E non ti nascondu chi tantu tortu ‘un havia (appoggia la mano sulla spalla di
Catarina).
CATARINA
(Lo guarda e l’invita a togliere la mano dalla sua spalla) Levati ssa manu,
levati, chi non è u mumentu…
PEPPI
(Sbalordito) No! Non mi diri…
CATARINA
Non mi diri chi? Ti vulia diri chi non è u mumentu di fari u cascamortu. (Entra
Riolu. Ha la cravatta di un altro colore, un cappello di paglia, e in più, il
cappotto messo sbottonato da far apparire il pannolone).
RIOLU
Così sugnu bonu vistutu?
PEPPI
Ma u sai chi u putemu affitari pi fari u spaventapasseri nni l’ortu!
RIOLU
Chi dissi, ca sugnu mortu? (Alza il bastone e cerca di rincorrerlo; si alzeranno
Germano e sua madre che si accoderanno a Peppi inseguito da Riolu). Veni cca, ca
ti fazzu vidiri ju si sugnu mortu. Fermati ti dissi! (Entreranno e usciranno di
scena, poi si bloccheranno in scena assumendo una posizione che avevano durante
lo svolgimento della commedia, e, con le luci basse, entreranno Alfredo che si
andrà a posizionare in un angolo della scena, triste e seduto anch’egli
immobile, mentre, sotto l’occhio di bue, Lora si porterà davanti al proscenio e
narrerà in forma poetica la morale finale).
LORA
A chi servi stari a lu munnu
si hai di viviri sensa lu sennu.
A chi servi aviri tutti lu sennu
si poi vivemu pi farinni dannu.
Quantu è strana la vita, signuri;
nuddu cchiù teni un pocu d’amuri.
Nni pigghiamu pi fissa comu li pupi;
nni sbranassimu tutti comu li lupi!
Però si unu mori, tutti chiancemu,
mancu nui sapemu soccu vulemu.
Ah, si sapissimu lu valuri di la vita!
Canciassimu tutti d’un corpu sunàta.
Spissu, guardannu li pazzi e ridemu;
cu semu veramenti mancu nui lu sapemu.
Vulirisi beni, è la cosa cchiù duci;
u mustrau Cristu mittennusi ‘n cruci.
Amamunni tutti sinu ca vita nni teni,
picchì ‘nfunnu è chistu l’unicu beni.
FINE